LIBAN- Një shpërthim i fuqishëm ka ndodhur ditën e sotme në zonën e portit të Bejrutit në Liban, ku qindra njerëz janë plagosur, ndërtesat janë shkatërruar dhe makinat janë kthyer përmbys.
Nga forca e shpërthimit në depon e fishekzjarrëve, shumë prej ndërtesave janë copëtuar si të ishin prej letre dhe rrugët janë mbushur me copa betoni e hekurash. Njerëz të frikësuar janë nëpër rrugë, të tjerë që kërkojnë të afërmit dhe persona që kërkojnë ndihmën e parë pasi janë plagosur. Qyteti është kthyer në gërmadhe dhe duket i shkretuar pas shpërthimit të madh.