Shqipëria arrin një fitore shumë të rëndësishme 3-2 me Bjellorusinë. Kuqezinjtë kanë arritur të marrin vendin e parë në grupin e tyre në Ligën C, duke u ngjitur në Ligën B të Ligës së Kombeve.
Ndeshja ka nisur vrullshëm, me kuqezinjtë të motivuar për të shënuar sa më parë. Dy gola të Çikalleshit dhe një i Manajt kundrejt një të Bjellorusisë i dhanë një avantazh të rëndësishëm kombëtares në pushim të ndeshjes. Në pjesën e dytë Bjellorusia shënoi në fund, duke krijuar ankth në 'Air Albania' por fatmirësisht gjithçka mbaroi dhe Shqipëria arrin objektivin e rëndësishëm.