POP 5

Lajmet më të lexuara të 5 minutave të fundit

Ekonomi

Vrojtimi i BSH/ Ndërtimi optimist, rritet kërkesa për prona! Turizmi ‘pesimist’, ndikoi rënia e ‘bumit’ të sezonit veror! Besimi në ekonomi u ul me 0,4% në Nëntor

Besimi në ekonomi është ulur me 0.4% në muajin Nëntor, ku ndikimi negativ ka ardhur kryesisht nga sektori i shërbimeve. Bizneset turistike thonë se kanë më pak pushues dhe më pak rezervime gjatë kësaj periudhe. Ndërkohë ndërtimi ka njohur një rritje të fortë për shkak të shtimit të kërkesës për prona

Vjeshta po shoqërohet me luhatje të pritshmërive për ekonominë. 

Banka e Shqipërisë thotë se besimi në ekonomi në muajin e kaluar ka rënë me 0.4%, në raport me tetorin. Goditja më e madhe në këtë rënie besimi është dhënë nga sektori i shërbimeve, të cilët shfaqen pesimistë. 

Në vrojtim thuhet se besimi nga sektori i shërbimeve është ulur me 6.1% për shkak se ka rënë ecuria e biznesit dhe ka pak kërkesë, pra është reduktuar numri i pushuesve. Po ashtu në rënie në këtë sektor janë edhe pritshmëritë për punësimin dhe çmimet. 

Në rënie të lehtë ishte edhe besimi i sektorit të industrisë me 0.9% pasi mungojnë kontratat e reja, e për pasojë është reduktuar aktiviteti i tyre. 

E kundërta e këtyre dy sektorëve është ndërtimi, i cili është 5.1% më optimist se në tetor, pasi është shtuar aktiviteti ndërtues, kanë më shumë porosi për apartamente, është rritur punësimi, ndërsa në rënie janë çmimet.

Pas ndërtimit janë konsumatorët të cilët i janë kthyer blerjeve të mëdha edhe prej festave të nëntorit por edhe të fundvitit. Besimi i konsumatorëve është rritur me 2.3% thotë Banka e Shqipërisë, pasi vlerësojnë pozitivisht situatën e tyre financiare edhe pse vijojnë të rriten çmimet. 

Edhe tregtia është 2% më optimiste, pasi ka pasur ecuri më të mirë biznesi i tyre, si dhe presin rritje të punësimit për muajit në vijim.

A.Q/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Shkurt, 09:13

    Si e vlerësoni kushtin e PD që diaspora të votojë me dokumente të huaja?

Lajme të tjera



×

Lajmi i fundit

Portokalli, fruti kundër sëmundjeve të zemrës

Portokalli, fruti kundër sëmundjeve të zemrës

7 Shkurt, 12:38