POP 5

Lajmet më të lexuara të 5 minutave të fundit

Politikë

Shifra të larta me COVID në 24 orë, Meta: Pandemia jashtë kontrollit! Qeveria të mos bëj sehir, s'ka plan për nisjen e vaksinimit masiv

Për presidentin Ilir Meta pandemia ka dalë nga kontrolli, por pavarësisht kësaj, sipas tij qeveria nuk ka marrë asnjë masë përveç propagandës!

Shifra të larta me COVID në 24 orë, Meta: Pandemia jashtë kontrollit! Qeveria të mos bëj sehir, s'ka plan për nisjen e vaksinimit masiv

Presidenti Ilir Meta

TIRANË- Për presidentin Ilir Meta pandemia ka dalë nga kontrolli, por pavarësisht kësaj, sipas tij qeveria nuk ka marrë asnjë masë përveç propagandës!

Nisur nga shifrat e larta të regjistruara sot, 1089 raste ditore pozitive, Meta thotë se qeveria duhet të hartojë një strategji të re për menaxhimin e pandemisë për të mbështetur financiarisht të prekurit dhe familjet e tyre dhe rritur nivelin ndërgjegjësues të popullatës.

Ai është ndalur dhe te procesi i vaksinimit, sipas së cilit nuk ka asnjë plan konkret se si do të vijohet me qytetarët.

“Pandemia COVID-19 në vendin tonë po del jashtë kontrollit. Në 24 orët e fundit, është regjistruar numri më i lartë i qytetarëve të infektuar, krahasuar me çdo ditë tjetër.

Një tjetër shifër tronditëse është shënuar edhe sa i përket jetëve të humbura. Kapacitetet spitalore për të pritur shtrimet e reja ditore, rezultojnë të tejmbushura.  Ndërkohë veç propagandës, asnjë plan nuk ka për nisjen e vaksinimit masiv të popullsisë. Duke shprehur shqetësimin më madh për këta tregues të dhembshëm, i bëj thirrje Qeverisë të mos bëjë sehir dhe as mos t’i trajtojë qytetarët, si numra për statistika ditore, duke i lënë në mëshirë të fatit.

Çdo shqiptar meriton të trajtohet me dinjitet dhe të ketë të gjithë asistencën e domosdoshme këshillimore dhe shëndetësore nga ana e shtetit, për të përballuar pasojat e rrezikshme të pandemisë. Është e patolerueshme të numërohen çdo ditë të infektuarit dhe jetët e humbura dhe të mos merret asnjë masë për të frenuar COVID-19.

Nevojitet urgjentisht, një strategji e re dhe efikase, për të frenuar pandeminë, përmirësuar kushtet në spitale, mbështetur financiarisht të prekurit dhe familjet e tyre dhe rritur nivelin ndërgjegjësues të popullatës. Çdo vonesë është kosto e madhe për qytetarët, shëndetin dhe jetën e tyre dhe kjo është jo vetëm e pafalshme, por edhe e dënueshme. Gjithashtu, ju bëj apel qytetarëve të mos e ulin vigjilencën dhe të vijojnë të zbatojnë me rigorozitet rregullat antiCOVID”, shkruan Meta.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Redi: 06/02/2021 09:17

    Nuk te ka treguar ai magjistari yt rrugen per zgjidhjen e Covidit? Po qe jot shoqe me mbeshtetsit e saj del e jep shembullin e keq njerzve per te ndejtur pa maska ta ka treguar? Po qe je presidenti me i urryer,me tinzar,me hileqar,me batakshi,me fallco,me skuth ne gjithe kohen e Shqiperise ta ka treguar?

    Përgjigju
  • Like: 06/02/2021 04:25

    Oh per nje here like trapi e paska mbyllur sqepin, por perseri dhe keshtu nxjerre broçkulla nga haleja e vete. Ju lutem postojeni komentet qe behen

    Përgjigju
  • Kent: 05/02/2021 22:55

    Ky flet nga Maja e Olimpit. Po vete çfare propozon??,apo"fol e shaj dhe shaj e fol'??

    Përgjigju
  • meri: 05/02/2021 19:02

    Bej thirrje Gruas tende qe,te mos bej prapagant per mos mbajtje Maske.Perhapja e Virusit varet nga Ne,neqoftese te gjithe do te kishim zgatuar rregullat e pandemis,situata nuk do te ishte kjo qe eshte.

    Përgjigju
    • eri: 05/02/2021 20:23

      meri sa do ta shkruaja kete.Por vaksina eshte nje mundesi qe vetem izraeli po e ben me sukses.Nuk i ka thene gruaja ketij qe eshte biologe sesi fuksionin vaksinimi?

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Asgjë e re nga fronti i Perëndimit për të korruptuarit dhe “non gratat”

Asgjë e re nga fronti i Perëndimit për të korruptuarit dhe “non gratat”

19 Prill, 10:34 nga Namir Lapardhaja