13 vite nga zhdukja e Madeleines 3 vjeçare, policia zbulon pedofilin vrasës

"Ne besojmë që Madeleine McCann ka vdekur". Fjalët e prokurorit gjerman konfirmojnë atë që prindërit e saj shpresuan të mos dëgjojnë kurrë: domethënë, që vajza angleze e zhdukur në mënyrë misterioze në Portugali në vitin 2007 nuk është më e gjallë.

"Ne vazhdojmë të shpresojmë ta përqafojmë atë përsëri dhe jemi mirënjohës ndaj autoriteteve për këtë informacion të ri," thanë Gerry dhe Kate McCann, babai dhe nëna e Maddie, në një deklaratë. "Sido që të jetë rezultati përfundimtar i hetimit, ne duam që të gjendet një përfundim për të gjetur paqen që kemi humbur."

Por pika e kthesës në këtë histori detektive që pret trembëdhjetë vjet zgjidhje erdhi dje pas një njoftimi nga Scotland Yard, se një burrë që aktualisht ndodhet në burg në Gjermani është "i dyshuar" për ngjarjen.

Sipas ligjeve gjermane, identiteti i tij mbahet sekret nga autoritetet e të dy vendeve, Gjermani dhe Portugali.

Tabloidi britanik Daily Mail shkruan sot në mëngjes se është Christian Brueckner, 43 vjeç, i dënuar me shtatë vjet burg për sulme seksuale ndaj një gruaje 73 vjeçare amerikane. Përdhunimi në fjalë ndodhi në Praia da Luz, tetëmbëdhjetë muaj para se Madeleine McCann të zhdukej në të njëjtin vendpushim turistik portugez, e cila mbërriti aty për pushime me prindërit dhe motrat e saj

Indekset e gazetave gjermane raportojnë se Brueckner jetonte për një kohë të gjatë në Portugali, në një fermë afër Praia da Luz dhe më pas, pak para zhdukjes së Maddie, ai u transferua nga një vend tek tjetri. Ai u arrestua disa herë për vjedhje, marrëdhënie me drogen dhe abuzim seksual të fëmijëve. Në vitin 2007, në kohën e zhdukjes së fëmijës anglez, ai ishte 30 vjeç kurse ajo vetëm 3 vjeçe.

Burri ishte konsideruar i dyshuar për zhdukjen e Madeleine në vitin 2008, por atëherë ajo pistë ishte braktisur, për shkak të mungesës së provave.

Një hipotezë e dalë në orët e fundit është se Brueckner hyri në dhomën e hotelit McCanns për t'i grabitur ata dhe, pasi gjeti Maddie në gjumë, e mori atë, ndërsa prindërit darkonin me miqtë në restorantin e hotelit disa duzina metra larg.

Prokurori publik gjerman thotë se ai është i sigurt se ka mundësi të padisë pedofilin e burgosur për vdekjen e vajzës. Por policia po shpreson që dikush tjetër do të flasë për të dhënë prova më të forta.

I.C./Shqiptarja.com
  • Sondazhi i ditës:

    A duhet të bëhen testime masive në popullatë për koronavirusin?

Komento


×

Lajmi i fundit

John

Biberaj në Report Tv: PD po përgatitet për 2 palë zgjedhje! 'Garda e vjetër' u largua kur ramë në opozitë, mosmirënjohës