TIRANE - Shënohet viktima e parë në mesin e të prekurve me koronavirus nga vatra më e rrezikshme e përhapjes së COVID në fasorinerinë e këtij qyteti. 52-vjeçari, i cili vuante nga disa sëmundje bashkëshoqëruese, ndërroi jetë në Spitalin Infektiv pas 8 ditëve në reanimacion i intubuar, duke shënuar viktimën e 30 në Shqipëri.
14 raste të reja me COVID janë identifikuar gjatë 267 testimeve të kryera në 24 orët e fundit, duke e çuar në 750 numrin e të prekurve nga 7758 teste në total.
Kruja vijon të jetë zonë e nxehtë, pasi këtë të martë është zbuluar një vatër e re në një tjetër fasoneri që ishte hapur dhe punonte me staf të reduktuar, ku është prekur një punonjës. Ndërsa katër të infektuar janë kontakte të punonjësve nga 5 fasoneritë e tjera që kanë raste me COVID. Kryeqyteti shënoi 7 raste të reja. “Bulevardi i Ri, 'Fresku' dhe 'Astiri' janë tre vatrat e nxehta në Tiranë, ndërsa në të gjithë vendin janë mbi 100 vatra aktive.
Pyetjes së Report Tv se pas 19 raste tek 313-a, a ka të prekur në burgun 302 në Tirana, drejtoresha e ISHP-së, iu përgjigj: "Dy të burgosur kanë qenë në paraburgim dhe janë transferuar", tha Albana Fico
9 janë të shëruarit në 24 orë, duke e çuar në 431 numrin e të shëruarve në total, sërish një shifër më e lartë se e të infektuarve aktivë, që janë 289. Gjithashtu një lajm i mirë vjen për fëmijët dhe për gratë shtatzëna të prekura me COVID.
“Ndërkohë 11 fëmijë nga 30 të prekur, e kanë fituar betejën pa asnjë simptomë. Nga 4 gra shtatzënë që kanë qenë të prekur, 3 janë shëruar. Në shërbimin infektiv aktualisht janë 27 të shtruar, 3 pacientë janë në terapi intensive. Në spitalin COVID 2 “Shefqet Ndroqi”, janë 5 pacientë të shtruar, 2 pacientë janë në terapi intensive në gjendje më të rënduar. Në dy spitalet COVID aktualisht po marrin shërbim 32 pacientë”, tha Fico.
Një infermiere në fshatin Prekal të Postribës dhe vajza e një gruaja të identifikuar dje me COVID-19 janë dy rastet e vetme pozitive në Shkodër gjatë 24 orëve të fundit.
Shpërndarja gjeografike e rasteve pozitive dhe e shërimeve, është si vijon:
ISHP-ja thekson se pavarësisht luhatjeve në numra ditorë situata vazhdon të jetë e kontrolluar. "Tregues për këtë janë numri i qëndrueshëm i shtrimeve në spitale dhe numri i ulët i qytetarëve që kanë pasur nevojë për frymarrje të drejtuar. Që kjo situatë të vazhdojë të jetë e kontrolluar dhe në kushtet e lehtësimit të disa masave, Ministria e Shëndetësisë dhe Mbrojtjes Sociale i bën thirrje të gjithë qytetarëve që të vazhdojnë të respektojnë masat e vendosura, të respektohet distancimi fizik dhe ruajtja e higjienës personale. Këto masa duhet të respektohen makimalisht edhe brenda rretheve familjare, duke shmangur vizitat tek të afërmit për çdo lloj arsye. Nëse keni shenja të sëmundjes COVID19 telefononi numrin e urgjencës 127. Për çdo pyetje apo informacion rreth COVID19 telefononi në linjën e gjelbër 0800 40 40" tha Dr. Albana Fico.
Ministrja e Shëndetësisë dhe Mbrojtjes Sociale Ogerta Manastirliu, nëpërmjet një postimi në faqen e saj në Facebook, ka ndarë lajmin e mirë se 1 mjeke dhe 2 infermiere janë shëruar nga COVID-19, pas testit konfirmues. Gati 90% e stafit mjekësor i prekur nga COVID19 janë tashmë plotësisht të shëruar. Në total deri tani janë shëruar 53 personel shëndetësor. "Më gëzon pa masë lajmi se gati 90% e stafit mjekësor i prekur nga COVID19 është plotësisht i shëruar nga ky armik i rrezikshëm. 1 mjeke dhe 2 infermiere janë shëruar nga COVID19, mes 9 të shëruarve të 24 orëve të fundit" thotë ministrja.
Drejtoresha e ISHP-së Albana Fico u shpreh se deri tani 11 fëmijë kanë arritur që të fitojnë betejën me COVID-in nga 30 që janë prekur në total. "Fëmijët nuk preken në forma të rëndë, nuk kemi pasur në spital, kemi 11 të shëruar nga 30 që kanë rezultuar pozitivë" tha ajo. Gjithashtu një lajm i mirë edhe për gratë shtatzëna. "Nga 4 gra shtatzënë që kanë qenë të prekur, 3 janë shëruar".
Fico është pyetur edhe për testet serologjike dhe nëse do t'i bëjnë edhe gazetarët? "Testet serologjike vijojnë në bazë të një kampionimi të gjerë për personelin në përfundim do u bëjmë me dije. Testet serologjike janë të rëndësishme për të kuptuar imunitetin ose gjendjen e kundërtrupave në popullatë, pa diskutim jemi të interesuar situatën e popullatës dhe grupeve të caktuara" tha ajo.
Në 24 orët e fundit në Krujë u regjistruan 5 të prekur me COVID. Report Tv mëson se të prekurit janë 3 nga Fushë Kruja dhe 2 nga Kruja. 4 nga të infektuarit janë kontakte të mëparshme, ndërsa një rast, është nga një vatër e re nga një fasoneri në Krujë që ishte hapur dhe punonte me staf të reduktuar.
Gazetari i Report Tv në Krujë Julian Shota raporton se në këtë fasoneri që vijonte punën me 4-5 punëtorë, njëri prej tyre rezultoi i prekur me COVID. Ndërkohë që edhe viktima e 30-të që u shënua sot, me inicialet S.B. ishte infektuar nga fasoneritë. Numri i fasonerive ku ka të prekur deri tani shkon në 6 në Krujë dhe Fushë Krujë.
Dy raste pozitive janë konfirmuar pozitiv me COVID-19 në qytetin e Shkodrës. Burime për Report Tv bëjnë me dije se pas analizave janë konfirmuar pozitiv një infermiere në fshatin Prekal të njësisë administrative të Postribës. Për shkak të kontakteve me personat e njohur infermierja mund të ketë marrë virusin. Ndërkohë, rasti tjetër është person kontakti, vajza e gruas e cila u konfirmua me COVID-19, ditën e djeshme. Në total, gjatë 24 orëve të fundit, janë kryer 29 teste, nga të cilat 2 rezultuan pozitiv.
Koronavirusi ka marrë një tjetër jetë! Mëngjesin e sotëm ndërroi jetë një 52-vjeçar nga Kruja me iniciale S. B. i cili qëndroi për 8 ditë në reanimacion i intubuar në spitalin infektiv. Mësohet se ai vuante nga disa sëmundje bashkëshoqëruese. Burime për Report Tv bëjnë me dije është person kontakti nga të infektuarit në fasoneri.
Komente
Lajme të tjera
-
Urgjenca e re në ‘QSUT’ 44 ditë pa shërbim për shkak të zjarrit, Albana Fico largohet nga drejtimi! Alma Cani emërohet drejtoresha e re
25 Mars, 10:15 -
Tiranë/ Zjarr në urgjencën e re të QSUT-së, evakuohen pacientët! Urgjencat devijohen te Trauma dhe Sanatoriumi
11 Shkurt, 08:28 -
OBSH rekomandon që vaksina e COVID të injektohet çdo vit, studimi i ISHP: Krijohet mbrojtje
12 Nëntor 2023, 16:32
-
Zbardhet vendimi/ 2-8 vite burg kush përhap infeksione pa e ditur, Gjykata Kushtetuese rrëzon ndryshimet në Kodin Penal, ndëshkim vetëm për përhapësit e sëmundjeve me dashje
18 Janar 2023, 21:35
-
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58 -
Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të
1 Dhjetor 2022, 19:15
-
17 raste të reja nga 395 testime të kryera në vend! Asnjë humbje jete dhe 6 të shëruar në 24 orët e fundit
1 Dhjetor 2022, 18:26 -
Turizmi në Shqipëri, mbi 6.7 milionë të huaj për 10 muajt e parë të vitit! Ja nga cilat shtete ka rritje më të madhe të turistëve
1 Dhjetor 2022, 16:40
Vec Doktor Bitisha parandaloi koronen.Edvin Mafia don me dek popullin e vet me u pasurue vec per vedi
Përgjigju