165 këmbësorë të ndëshkuar/ Lleshaj: Koha për përgjegjshmëri të lartë dhe jo për 'trimëri' të marrë

165 këmbësorë të ndëshkuar/ Lleshaj: Koha për përgjegjshmëri të lartë dhe jo për 'trimëri' të marrë

Ministri i Brendshëm, Sandër Lleshaj

TIRANË- "Koha është për përgjegjshmëri të lartë dhe jo për “trimëri” të marrë". Kështu e nis reagimin e tij ministri i Brendshëm, Sandër Lleshaj lidhur me ndëshkimin e 165 këmbësorëve që dolën nga shtëpia pas orës 10:00.

Ai thotë se ato jo vetëm po rrezikojnë veten e tyre, por edhe të tjerëve e për pasojë janë marrë masa ndëshkimore ndaj tyre. Lleshaj ka bërë apel qytetarëve që të bashkëpunojnë për të parandaluar përhapjen e koronavirusit.

"Shumica absolute e shqiptarëve po respekton jetën e vet dhe të të tjerëve, duke zbatuar rregullat e parandalimit të përhapjes së COVID-19. Por fatkeqësisht ka edhe ndryshe. 165 persona janë gjobitur sot pas orës 10:00 nga Policia e Shtetit, për mos respektim të orarit të kufizimit të lëvizjes.

Koha është për përgjegjshmëri të lartë dhe jo për “trimëri” të marrë. Ata që nuk kanë frikë për jetën e tyre, duhet të paktën të kenë respekt për jetën e të tjerëve. Duke qarkulluar në mjedise publike ne shtojmë rrezikun për veten, por dhe për të tjerët. Policia dhe organet e tjera shtetërore janë të angazhuara të sigurojnë zbatimin e ligjit dhe të rregullave të jashtëzakonshme. Që kjo të ndodhë më mirë, kërkohet edhe bashkëpunimi i qytetarëve të ndërgjegjshëm.

Ju lutem raportoni në numrin 112, ose në aplikacionin “Komisariati Digjital” rastet e shkeljes së rregullave të vendosura për parandalimin e përhapjes së COVID-19. Vetëm kështu do të mund t’ia dalim", shkruan Lleshaj.

Postimi i plotë i ministrit të Brendshëm Sandër Lleshaj

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS