2-vjeçari diagnostikohet me sëmundjen e rrallë pasi u dëmtua gjatë lindjes! Prindërit akuza mjekëve në Durrës për pakujdesi

Doriani 2-vjeçar ka lindur me një patologji të rrallë të njohur si Sindroma Ëest, e njohur si epilepsi me prapambetje mendore, dhe paralizë. Doriani që kur lindi e deri më sot, spitalin ka shtëpinë e tij të dytë, ndërsa krizat e vazhdueshme bëjnë që fëmija të jetë në të shumtën e kohës me lot në sy. Për gjendjen e tij familjarët akuzojnë mjekët në Maternitetin e Durrësit se nga pakujdesia e dëmtuan fëmijën gjatë lindjes dhe pikërisht ku dëmtimi shkaktoi një infeksioni duke i dëmtuar kokën. Prindërit thanë se më pas e çuan në Tiranë te Koço Gliozheni dhe aty fëmija ndryshoi 100 %. Arjan dhe Dorela Luka shprehen  në studion e 'Pa Gjurmë' se doktori në Tiranë u kishte thënë se nëse fëmija nuk qan brenda 21 ditëve nuk jeton. Fëmija qau po nuk reagonte për 3 muaj të tjerë. Më pas u zbulua se vuante nga sindroma Ëest si pasojë e infeksionit të marrë pas dëmtimit në lindje. Ata theksojnë se gjatë shtatzënisë doktori në Durrës u kishte siguruar se fëmija ishte e shëndetshme, ndërsa shtojnë se kjo sindromë nuk është gjenetike.

'Kisha dhembja pastaj shkova me spital. Me futën në sallë më thanë ta bëja vetë, unë nuk munda dot. Nuk më bënë operacion, bëra një lindje të sforcuar. Gjithë kohës rri vetëm shtrirë. Kur është në gjumë qan. Ka kriza. Mezi han ushqimin, ne nuk e bëjmë gjumin e qetë. Mjekët na kanë thënë, se ky djalë çohet më këmbë vetëm falë fizioterapisë. Ata na thanë se nuk është gjenetike', tha e ëma Dorela më lot në sy.

Edhe babai i 2-vjeçarit, Arjani tha se mjeku i kishte thënë se 'fëmija ka lind pak i sforcuar  dhe të nesërmen tha se ka pësuar një dëmtim. Por do e marr veten. Ka lindur me frakturë në kokë dhe me dy shenja në ballë, e mbajtën në reanimacion 9 ditë. Bëmë debat dhe thirrën doktorin nga Tirana, nga Koco Gliozheni. E sjellin këtu dhe ndryshoi fëmija 100 %. Doktori në Tiranë më tha se nëse fëmija nuk qan brenda 21 ditëve nuk jeton. Ditët kaluan dhe djali nuk qau. Ditën 21-të qau. Doktori na tha se infeksionin ia kemi larguar por nuk e dimë sa ka pasur dëm në tru. Tani do shohim ecurinë e fëmijës na tha. Pas tre muajve djali nuk reagonte. E sjell tek pediatria në Tiranë, dhe mjekja na tha se ka sindromën West që e ka pësuar nga infeksioni pas dëmtimit. Ma kanë shkatërruar jetën. Jam detyruar të lë punën se shpesh bëhet keq. Që e ka ndjekur gjatë shtatzënisë, na tha që fëmija është mirë'.

Në kushte të vështira ekonomike, familja nga Mati, e cila jeton në Durrës, bën apel për ndihmë, pasi 2-vjeçari ka nevojë për një fizioterapi të specializuar, si dhe për mjekime që kanë kosto të lartë dhe që gjenden jashtë vendit. Në lidhje lidhje telefoni gjatë emisionit, Presidenti i Shoqatës së Rehabilitimit Fizik për Personat me aftësi të kufizuar,  Elton Bano tha se do i ofrojnë vogëlushit ndihmë fizioterapike.

'Duke bërë këtë nismë promovojmë një ndihmë të madhe. Terapia së pari fillon tek prindërit. Sigurisht duke i dhënë udhëzimet. Prindërit mund të na kontaktojnë që nesër', tha Bano.

Më 26 prill vogëlushi mbush 3 vjeç, ndërsa prindërit Arjan dhe Dorela iu drejtuan emisionit “Pa Gjurmë” me shpresën se me apelin e tyre do t’i mundësohet një rrugë më pak e mundimshme vogëlushit 2- vjeçar, që qan shpesh dhe rrallë qesh.

Kushdo që ka mundësi të ndihmojë familjen Luka mund të kontribuojë në numrin e llogarisë bankare AL 75 212124710000000001335133.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Itali/ Ngarkesa 1 ton shkëputet nga vinçi dhe zë poshtë 52-vjeçarin kosovar, humb jetën në vend

Itali/ Ngarkesa 1 ton shkëputet nga vinçi dhe zë poshtë 52-vjeçarin kosovar, humb jetën në vend