'38 mijë biznese te vogla të mbyllura nga COVID-i/ Nasto: Falje gjobash dhe lehtësim të barrës fiskale ose do nisim protesta

KORÇË- Duke folur nga qyteti i Korçës, kreu i shoqatës së biznesit të vogël e të mesëm Albert Nasto u shpreh se biznesi i vogël dhe i mesëm është në kolaps, ndërsa sipas tij ndihma financiare e qeverisë është e pamjaftueshme.

"Situata e biznesit të vogël dhe të mesëm të Shqipërisë është sot shumë e vështirë, është alarmante. Duke parë mbylljet masive, rreth 38000 biznese të mbyllura. Këto biznese mbi 125000 mijë punonjës dhe pronarët e tyre. Shifër shqetësuese për pasojë e pandemisë, dhe mosdhënia e ndihmës nga qeveria. Janë dhënë 98 milion euro, një shifër qesharake dhe tepër e vogël për të ndihmuar bizneset", tha ai.

Ai u shpreh se shoqata e biznesit do t'i propozojë qeverisë miratimin e një pakete të tretë ndihmë si dhe kërkoi faljen e gjobave nga administrata tatimore.

"Ne do propozojmë një paketë tjetër, duhet parë edhe heqja e gjobave. Ka shume gjoba, nga 2014 e deri me sot ka shumë gjoba që ka marrë biznesi dhe qeveria duhet të ndërhyjë, do i kërkojmë qeverisë heqjen e gjobave në rang kombëtar dhe lehtësimin e barrës fiskale. Nëse qeveria nuk do realizojë të gjitha këto, shoqata do organizojë protesta dhe greva", u shpreh Nasto.

Teksa Nastro paraqiste gjendjen e vështirë të biznesit, një vendim i rëndësishëm është marrë nga këshilli bashkiak i Pogradecit. Është vendosur të hiqet tarifa e hapësirës publike për të gjitha bizneset që operojnë në fushën e bareve dhe restoranteve. Kësisoj rreth 500 biznese në Pogradec nuk do të paguajnë për hapësirën publike përgjatë 3 muajve në vazhdim.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Taulant: 24/09/2020 08:13

    Pak tatime ju jane ulur ju o marioneta politike qe do nisni protesta, me çfare do mbahet shteti nese ua ben zero cdo gje?

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ndërron jetë në moshën 82 vjeçare ish-senatori Joe Lieberman

Ndërron jetë në moshën 82 vjeçare ish-senatori Joe Lieberman