X

POP 5

Lajmet më të lexuara të 5 minutave të fundit

Kronikë

4 mijë fermerë përfitojnë nga skema kombëtare, janë parashikuar 743,9 milionë lekë

4 mijë fermerë do të përfitojnë nga Skema Kombëtare e Mbështetjes, në të cilën janë parashikuar 743,9 milionë lekë. Sipas ministrit të Bujqësisë, Bledi Çuçi, ata që do të përfitojnë më shumë do të jenë fermerët që merren me blegtori. Ndërsa regjistrimi i cili mund të kryhet në e-Albania do të zgjasë deri me 19 qershor.

Rreth 4 mijë është numri i fermerëve që do të përfitojnë nga Skema Kombëtare e Mbështetjes. Sipas ministrit të Bujqësisë, Bledi Çuçi për mbështetjen e tyre janë parashikuar 743,9 milionë lekë dhe ata që do të përfitojnë më shumë janë blegtorët. Aplikimet, të cilat kanë nisur që nga dita e djeshme bëhen online në e-Albania pa pasur nevojë për dokumente dhe do të zgjasin deri në 19 qershor.

 “Përfitues të kësaj skeme në radhë të parë janë fermërët që merren me blegtori, të cilët do të marrin mbështetje drejtpërdrejtë për tufën e matrikulluar. Mbështetje kemi edhe për serrat e tunelet plastike që do të rinovojnë plastmasin. Gjithashtu do të japim subvencione për sipërmarrjet që do të kërkojnë të marrin çertifikimin Global GAP, për rritjen e konkurrueshmërisë në tregjet ndërkombëtare, si dhe për sektorin e bletarisë”, tha ministri Çuçi.

Ministri bën të ditur se fluks aplikimesh ka pasur që ditën e parë, ndërsa procedurat kryhen online dhe pa pasur nevojë për dokumente.

Si bëhet aplikimi? Fillimisht bëhet regjistrimi në e-Albania, si qytetar, me të dhënat e kartës së identitetit. Më pas zgjedh llojin e fermerit, vendndodhjen e fermës, masën si dhe sasinë për të cilën do të aplikoni. Më pas klikon dërgo.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sa i përhapur është korrupsioni në Shqipëri?

Lajme të tjera



×

Lajmi i fundit

Morën ryshfet për të favorizuar një ndërtim pa leje, shpallen në kërkim kryeinspektori e inspektori i IMT Elbasan

Morën ryshfet për të favorizuar një ndërtim pa leje, shpallen në kërkim kryeinspektori e inspektori i IMT Elbasan

23 Prill, 20:16