POP 5

Lajmet më të lexuara të 5 minutave të fundit

Kultura

4 vjet nga shenjtërimi i Terezës dhe 3 letra të rralla, studiuesi: Përmes dashurisë, i shkruante regjimit të kohës

4-vjetori i shenjtërimit të Terezës nga Papa Françesku në Vatikan u përkujtua me një ekspozitë në Qendrën për Hapje dhe Dialog. Drejtori i Arkivave Ardit Bido na tregon rëndësinë e 3 letrave drejtuar Ramiz Alisë që ekspozohen, të cilat vërtetojnë edhe një herë origjinën e saj. Ndërsa, përmes figurës së shenjtës Terezë imzot Frendo ka një mesazh për politikanët shqiptarë para zgjedhjeve

“Unë ja kam dhan besën a shqiptarit Zotit me prue dashni and pagje mbi gjithë botën”. Me këto fjalë në gjuhën shqipe, shenjta Terezë do t’i drejtohej 31 vite më parë, në 29 tetorin e 1989-s, Presidentit të kohës, Ramiz Alia. Kjo letër, përpos dy të tjerave të njohura edhe më herët për publikun janë ekspozuar për herë të parë në Qendrën për hapje edhe Dialog. Drejtori i Arkivave Ardit Bido rrëfen dhembshurinë dhe dashurinë e Shenjtës Terezë për të varfëritë, por dhe për kombin pjesë e së cilit ishte

“Letra e tetorit të vitit 1989 është momenti i refuzimit të parë. Pas refuzimit të parë, shenjta Terezë pa luks shkruan me stilolaps dhe me disa pasazhe në shqip për të folur përmes dashurisë, paqes dhe mirëkuptimit një regjimi që ishte në fundin e vet edhe kishte këto qëndrime për një figurë të madhe kombëtare”, thotë Bido.

Imzot Frendo teksa ndalet tek rëndësia e figurës së shenjtës Terezë ka edhe një mesazh për politikanët shqiptarë, që janë në prag të zgjedhjeve

“Shenjta Terezë ka një mesazh të fortë edhe të qartë edhe për politikanët, që të kujtojnë se politika duhet që të jetë në shërbim të popullit. Ky mesazh duhet që kujtuar prej tyre edhe në këto momente që jemi para zgjedhjeve. Politika është për shërbim”, shprehet Imzot Georgo Frendo.

Në Qendrën për Hapje edhe Dialog përpos letrave është ekspozuar dhe një fotografi e vizitës së Shën Terezës në vitin 1991 në Shkodër, e realizuar nga fotografi francez Michel Setboun.

“Kur kam parë letrën, ka qenë një moment shumë drithërues. Në momentin 1ë shikoja pasazhet e saj të shkruara në shqip, i thashë: Ardit i thashë që do bëjmë një ekspozitë të thjeshtë në COD, ku të prezantojmë dorëshkrimet e saj edhe fotografinë e fotografit Francës, që nuk është ekspozuar asnjëherë me parë”, Eridana Çano, drejtoreshë e Agjencisë për Dialog dhe Bashkëqeverisje.

Shenjta Terezë e Kalkutës u lind në Shkup në vitin 26 gusht 1910. Emri i saj i lindjes është Anjezë Gonxhe Bojaxhiu. Për herë të parë në gusht të vitit 1989 vizitoi Shqipërinë. Ndërsa, sot është gruaja më e shquar shqiptare dhe njihet në mbarë botën, si shembull i jashtëzakonshëm për misionin e saj të bamirësisë, ndaj më të varfërve të botës, pa dallim race, feje, kombësie dhe përkatësie shoqërore. Shenjta Terezë u shua në 5 shtator të vitit 1997.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Mero Baze: Beteja këmbëngulëse e Ramës ndaj një reportazhi të RAI

Mero Baze: Beteja këmbëngulëse e Ramës ndaj një reportazhi të RAI

24 Prill, 21:45 nga Mero Baze