45 policë në pranga për korrupsion e shpërdorim detyre! SHÇBA: Në një vit u proceduan penalisht 171 zyrtarë policie

TIRANË-Korrupsioni në radhët e Policisë së Shtetit vazhdon të mbetet në kuota të larta, pavarësisht se në vitin 2020 numri i atyre që janë arrestuar, jo vetëm për korrupsion por edhe shpërdorim detyre, është më i ulët se në vitin 2019. Në një raport të publikuar nga Shërbimi për Çështjet e Brendshme dhe Ankesave, pranë Ministrisë së Brendshme, thuhet se niveli i ankesave të qytetarëve për shpërdorim detyre është më i lartë.

45 punonjës policie janë arrestuar gjatë vitit të kaluar, të akuzuar për korrupsion dhe për shpërdorim detyre. Gjatë hetimeve të kryera nga Shërbimi për Çështjet e Brendshme dhe Ankesave, ata kanë rezultuar të përfshirë në aktivitete të kundërligjshme, duke mos organizuar detyrën siç duhet dhe madje duke abuzuar me të. Por 2020-a ka regjistruar me numër më të ulët të efektivëve të arrestuar, në krahasim me vitin paraardhës, kur janë prangosur 63.

TË ARRESTUAR

2020 – 45 punonjës policie

2019 – 63 punonjës policie

Në total në vitin 2020 janë 101 procedime penale të regjistruara, sërish më pak se në vitin 2019, kur janë regjistruar 141 të tilla. Viti i kaluar ka shënuar numër më të ulët edhe të efektivëve që janë proceduar, 171 nga 287 që janë proceduar në 2019-ën. Shqetësim vijon të mbetet përfshirja në korrupsion dhe shpërdorim detyre të drejtuesve të nivelit të parë në polici, 66 prej të cilëve janë proceduar në 2020-ën dhe 87 në vitin 2019.

Procedimet penale të efektivëve të nivelit zbatues janë sa gjysma e atyre të 2019, dhe në këtë ulje shifrash duket se ka pasur ndikim pandemia dhe mbyllja për disa muaj.

PROCEDIME PENALE

2020 – 101 procedime penale                     2019 – 141 procedime penale

2020 – 171 efektivë të proceduar              2019 – 287 efektivë të proceduar

2020 – 66 drejtues të parë                           2019 – 87 drejtues të parë          

2020 – 104 nivel zbatues                               2019 – 197 nivel zbatues

Në dallim nga numri shumë i ulët i ankesave për efektivë që favorizojnë kultivimin e kanabisit, përsa i përket korrupsionit dhe shpërdorimit të detyrës, pranë SHÇBA-së kanë mbërritur përkatësisht 22 dhe 110 ankesa.

ANKESAT E QYTETARËVE

22 – Ankesa për korrupsion

110 –     Ankesa për shpërdorim detyre

Sipas të dhënave të SHÇBA, shpërdorimi i detyrës ka konsistuar kryesisht në vendosje të gjobave abuzive apo rasteve të ryshfeteve.

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • kiraskiras: 05/08/2021 18:42

    Nga i numëruan këta 87 drejtues të parë?!! 24 janë gjithsej!!

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet