Lulzim Basha ka vendosur Mark Markun si drejtues politik të Partisë Demokratike në Qarkun e Lezhës. Ky vendim ka ardhur pas një takimi që Basha pati me Markun ditën e shtunë në Selinë e PD-së.
Me Mark Markun PD zyrtarizon kështu drejtuesin në qarkun e gjashtë në vend, pasi vendimeve për Edi Palokën në Durrës, Gazment Bardhit në Elbasan, Helidon Bushatit në Shkodër, në Fier Enkelejd Alibeaj dhe në Vlorë Bujar Leskaj.
Ky kandidim i Mark Markut vjen pasi ai ishte anëtar në Komisionin për Rivlerësimin e kandidatëve të PD për deputetë. 4 muaj më parë, në Report Tv, Marku deklaroi se përcaktimi në këtë komision nuk nënkuptonte një rikthim në parti. Ai tha se në eksperiencën e tij të mëparshme si deputet nuk është ndier mirë, e për rrjedhojë nuk pretendon asnjë post pas zgjedhjeve të ardhshme parlamentare.
"Nuk është rikthim sepse e kam deklaruar me kohë që nuk kam asnjë ambicie, as për të qenë deputet, as në ndonjë pozicion të ardhshëm në pushtet. Pse? Sepse ndihem mirë kështu, siç jam. Mua në vetvete pushteti nuk më thotë kushedi se çfarë. Kam pasur një eksperiencë dhe nuk jam ndier mirë në atë lloj pozicioni. Kam shprehur qëndrimet e mia që dihen publikisht", deklaronte në emisionin "Pa protokoll" Mark Marku.
Përcaktimi i ish deputetit Mark Marku si drejtues politik i Partisë Demokratike në Qarkun e Lezhës nga Basha ka sjellë reagime edhe brenda PD-së.
Zëdhënësja e Sali Berishës, Erla Mëhilli, ka ironizuar këtë zgjedhjet të Bashës për Markun i cili është edhe anëtar i Komisionit të përzgjedhjes së kandidatëve për deputetë nga PD. Mëhilli thotë se kjo zgjedhje është si ta hedhësh në erë këtë komision.
"Si të hedhësh në erë me duart e tua Komisionin e famshëm të përzgjedhjes së kandidatëve për deputet. Pra një drejtues politik qarku, na paska përzgjedhur kandidatët për deputet në tërë Shqipërinë. Mirë shumë", shkruan Mëhilli.
Postimi i plotë i Erla Mhillit
Kryeministri Edi Rama, përmes një postimi në rrjetin e tij social Instagram ka ironizuar caktimin e Mark Markut si drejtues politik të Partisë Demokratike në Qarkun e Lezhës.
Rama ka shkruar në postim “Presor gazetarie dhe kandidat për ministër arsimi i OpBashkuar opopo…”, duke e shoqëruar me një video ku Mark Maku i thotë Musa Ulqinit “ Mbylle gojën, do ta fus me shishe kokës, mos ha m*t kot”.
Lajme të tjera
-
VIDEO/ Ja si duket spitali i Mirditës pas rikonstruksionit, shërbim për rreth 50 mijë pacientë
18 Prill, 08:31 -
Basha: Aleanca e fshehur kundër SPAK ka dalë hapur! Prokuroria e Posaçme e vetmja që po lufton korrupsionin
17 Prill, 16:14 -
Përfundon argjinatura në Juban të Shkodrës, Rama: Shmang rrezikun e përmbytjeve në Kuç e Vukatanë
17 Prill, 15:25 -
Prezantohet projekti i Manchester City në Durrës, gati brenda një viti! Rama: Sjellim edhe akademinë e tenistit Rafael Nadal
17 Prill, 12:11 -
Asambleja voton pro anëtarësimit të Kosovës në KiE, Rama: Hap historik dhe i drejtë, i dha çka i takonte! Basha: Ditë e madhe për shqiptarët
16 Prill, 21:09 -
Lezhë/ Pas një dekade banorët e fshatit Gjadër kanë një vend ku do prehin të vdekurit
16 Prill, 19:21
-
Basha nga Strasburgu: Asambleja e KiE votoi propozimin për konfiskimin e aseteve ruse, do përdoren për rindërtimin e Ukrainës
16 Prill, 17:38 -
‘Rusia duhet të paguajë për luftën në Ukrainë’, Basha në KiE: Vendimi, si pengese ndaj çdo agresioni
16 Prill, 16:40 -
Basha takon kryetarin e Parlamentit ukrainas: Fitorja e Ukrainës fuqizon kauzën e demokracisë dhe rrit sigurinë europiane
16 Prill, 15:52 -
Meta sulmon kreun e SPAK, Altin Dumanin: Karafil! Kushëriri i Nuredinit do të bëhet vrasës i pluralizmit! Të ketë kujdes, PL i ka 300 mijë Vojo Kusha
16 Prill, 14:38 -
Berisha jashtë grupit të PD, Kuvendi: Bardhi ktheu vetëm të përjashtuarit gjatë kësaj legjislature, ish-kryeministri s’ka qenë pjesë
16 Prill, 12:36 -
Vrau babanë dhe vëllanë e ish-gruas, Gjykata e Lezhës e dënon me burg përjetë Besnik Pjetrin
16 Prill, 10:17
