70-vjeçarja e humbur prej tre ditësh, familjarët apel për ndihmë në 'Pa Gjurmë'! Dëshmitarët: E pamë, vuante nga shëndeti mendor

Humbja prej 3 ditësh të 70-vjeçares Xhevrie Verlaci, ka bërë që familjarët t'i drejtohen emisionit 'Pa Gjurmë' duke apeluar për ndihmë për gjetjen e nënës. 70-vjeçarja nga komuniteti rom, humbi në zonën e fushës së mbetjeve në Fier, ku mblidhte mbeturinat për të blerë ilaçet e tensionit.

Duke e sensibilizuar me ngjarjen, disa persona kanë telefonuar në studion e emisionit duke dhënë dëshmitë e tyre se ku e kanë parë të moshuarën. Sipas dëshmive ajo rezulton të jetë parë në orë të ndryshme, në zona të ndryshme të Fierit, ndërsa theksohet se e moshuara nuk ishte e qëndrueshme nga shëndeti mendor.

'Xhevrie Verlacin e kam parë dje në orën 08:30 në Roskovec, hipi në autobus dhe zbriti në Fier tek Globi. Ishte në një sedilje më mbrapa meje. Nuk ishte mirë nga shëndeti mendor, pasi u fliste të gjithëve. Kishte një shami në kokë, një palë tuta të zeza dhe një fund, i përkiste komunitetit rom', tha një telefonues.

Një tjetër dëshmitar tha në 'Pa Gjurmë' se  'të moshuarën e ka parë në fshatin Dermenas në Fier, ditën e djeshme në orën 13:00 dhe ka kërkuar ushqim dhe ujë. I kemi dhënë ushqim dhe më pas ka ikur drejt lumit Seman. Ajo kishte veshur rroba të zeza si në foto, kishte vënë edhe një shami në kokë."

"Xhevrie Verlacin e kam parë ditën e sotme në lagjen '1 Maji' në Fier, në orën 11:00, veshjen e kishte si në foto dhe i përkiste komunitetit rom. Ajo i shihte çuditshëm të gjithë njerëzit", tha një tjetër telefonues në studion e emisionit.

Pas humbjes së kontakteve me familjarët, Zhevrie Verlaci po kërkohet nga policia e Fierit, komuniteti rom, ndërsa është bërë dhe apel për ndihmë nga emisioni 'Pa Gjurmë'.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

'Dhimbje koke' për trajnerët, UEFA gati t'i vijë në ndihmë Sylvinhos për Europianin 2024

'Dhimbje koke' për trajnerët, UEFA gati t'i vijë në ndihmë Sylvinhos për Europianin 2024