'A do të bëhesh rrezja ime e Diellit?', propozimi emocionues i djalit me sindromën Down (VIDEO)

David Cowan e Saris Garcia janë dy gjimnazistë me sindromën Down, të cilët  e kanë njohur njëri-tjetrin që kur ishin 3 vjeç.

David vendosi që t'i propozonte vajzës në mënyrën më të mrekulleshme të mundshme.

Surpriza e ëmbël ndodhi më 26 shtator, në një lojë futbolli në shkollë, ku  David me lule dielli në dorë, tullumbace e një pankartë ku shkruhej "A do të bëhesh rrezja ime e Diellit?",  i propozoi Sarisit.

"Dashuria e tyre është e vërtetë, lidhja është e vërtetë. Ne dëshirojmë që njerëzit të dinë që janë si cdo  çift  tjetër, të cilët  bien në dashuri dhe dëshirojnë të kenë një jetë të përmbushur. Sindroma Down nuk i kufizon ata", janë shprehur familjarët në një email për CNN.

Të dy u takuan me njëri-tjetrin në klasën e terapisë së të folurit , por më pas humbi kontaktin mes tyre pasi David u shpërngul në vitin 2004. 

Muaj më vonë, të dy u regjistruan në të njëjtën shkollë dhe u ribashkuan.

"Ajo ishte aq e ngazëllyer dhe vetëm vallëzonte", tha nëna e Garcia, Wanda Cruz.

"Të dy kanë një lidhje speciale. Ndërsa ata u rritën, marrëdhënia e tyre u rrit dhe ky  ishte momenti kur ata shprehën  ndjenjat e tyre dhe treguan sa shumë kujdesen për njëri-tjetrin", u shprehën fmiljarët.

Saris nuk e dinte dhe nuk e priste që David do t'i propozonte.

"Ne jemi krenarë që të dy shkollat ​​ofrojnë mbështetjen për të dy", janë shprehur nënat e tyre.

Të dy kanë ëndrra për jetën e tyre, ku Cowan dëshiron të marrë pjesë në UCF dhe Garcia të bëhet modele e te marrë pjesë në Javën e Modës në Paris.

/r.k./Shqiptarja.com

TAG:
• Sindroma Down
• propozim per martese
• pankarte
• lule dielli
• david dhe saris