Aksidenti tragjik me 4 viktima te Rruga e Kombit, flet djali i madh i familjes Avdiaj: Babai im ishte shoku im më i mirë! Ndihem si në film horror (FOTOT)

Blerim dhe Anjeza Avdijaj

Mirsad Avdijaj djali i madh i familjes Avdiaj që u shua në aksidentin tragjik të ndodhur 2 ditë më parë, në afërsi të një karburanti në Rreshen, shprehet i tronditur nga ngjarja.

26 vjeçari teksa ka rrëfyer për detajet e aksidentit tragjik ka thënë se ndihet sikur është në një film të keq horror.

“Ndihem sikur jam në një film të keq horror. Babai im ishte shoku im më i mirë. Unë i doja shumë të gjithë, Klejdi ishte si mishi dhe gjaku im”, tha ai për gazetën zvicerane “Blick”.

Të dielën e kaluar ai e çoi familjen në aeroport. 

“Babai im donte të sillte në Zvicër vogëlushët që ende jetonin në Shqipëri. Ai ishte aq i lumtur që e pa përsëri. Ai ishte miku im më i mirë. Ende nuk mund të mendoj qartë. Tani shpresoj se ata të gjithë e kanë gjetur paqen e tyre në parajsë”,thotë 26-vjeçari.

Mediumi zviceran “Blick”, ka publikuar edhe fotografitë e të ndjerëve. Si pasojë e përplasjes fatale kanë humbur jetën 4 anëtarët e familjes Avdiaj nga Kosova, konkretisht Blerim Avdiaj, 45 vjeç, Anjeza Avdiaj, 34 vjeçe dhe Klejdi Koçi, dhe vajza 11 vjeç e  Medina Avdiaj, 5 vjeçe.

Violeta e vetmja e shpëtuar nga aksidenti, ndodhet në spital. I vëllai deklaron se mjekët i kanë thënë se do të shërohet. 11-vjeçari Klejdi Koçi ishte nipi i Blerim Avdiajt.

 “Ajo është dëmtuar rëndë, por ishte në gjendje të thoshte disa fjalë të premten. Mjekët kanë besim se ajo do të shërohet”, thotë vëllai.

Po ashtu edhe miqtë e të ndjerit thonë se Blerim Avdijaj ishte njeri i mirë dhe i shoqërueshëm, teksa kujtojnë edhe momente së bashku me familjen tij.

“Të gjithë jemi në shok. Unë e njoh Blerimin për njëzet vjet. Ai ishte një njeri kaq i mirë dhe i mirë. Gjithmonë shumë shoqëror dhe i lumtur. Ne gjithmonë bënim grill së bashku dhe fëmijët tanë luanin në kopsht. Nuk u kam thënë akoma se miqtë e tyre kanë vdekur”, thanë miqtë e tij për “Blick”.

Aksidenti ka ndodhur pasi mjeti tip "Citroen" me targa 01-351-MH me të cilin udhëtonte familja Avdiaj nga Prishtina ka parakaluar një tjetër makinë, dhe më pas është përplasur me mjetin kamion tip (MAN) me targa 04-406-HB me drejtus Isa Ishala, nga Rahoveci i Kosovës.

videon e publikuar nga Report Tv shihej mjeti “Citroen” ka bërë parakalim të gabuar dhe ka dalë në krah të kundërt, si pasojë është përplasur me kamionin që po vinte përballë.

Familja që u shua ishte rezidente në Zvicër, ndërsa ishin nisur nga Kosova drejt Shqipërisë, ndërsa të dyja mjetet e përfshira në aksident ishin me targa të Kosovës.

 

Be.K./Shqiptarja.com
  • Sondazhi i ditës:

    A e keni të qartë mënyrën se si do të votoni në zgjedhjet e 25 prillit?

Komento


×

Lajmi i fundit

John

U nis nga Saranda, Basha në Mirditë: Këto janë zgjedhjet më vendimtare! Do kemi pjesëmarrjen më të madhe në historinë tonë