Aksioni për mallrat kontrabandë, Yuri Kim takon drejtorin e Doganave: Forcimi i kontrolleve do të rrisë të ardhurat për Shqipërinë

Aksioni për mallrat kontrabandë, Yuri Kim takon drejtorin e Doganave: Forcimi i kontrolleve do të rrisë të ardhurat për Shqipërinë

Ambasadorja Yuri Kim dhe drejtori i Doganave Gent Gazheli

Ambasadorja amerikane, Yuri Kim, ka zhvilluar një takim me drejtorin e Përgjithshëm të Doganave, Genti Gazheli. Kim vlerësoi rolin e Doganës Shqiptare si shumë të rëndësishme në lehtësimin e klimës së biznesit, si dhe premtoi mbështetjen e saj të plotë. Më tej ambasadorja amerikane në një postim në Twitter, shkruan se forcimi i kontrolleve doganore do të rrisë edhe të ardhurat për Shqipërinë

'Faleminderit Drejtorit të Doganave për diskutimin e javës së kaluar mbi bashkëpunimin e SHBA-së, Shqipërisë për të lehtësuar lëvizjen legjitime të mallrave duke goditur korrupsionin dhe krimin. Është mirë të shihet se importet nga SHBA janë rritur me 17% ndërsa eksportet sipas Shqipërisë janë rritur me 33% deri më tani këtë vit. Trendi i mirë! Forcimi i kontrolleve doganore do të rrisë edhe të ardhurat për Shqipërinë. Deri më tani këtë vit, Dogana ka mbledhur 1.5 miliardë dollarë - një rritje e madhe nga 1.1 miliardë dollarë në të gjithë vitin 2020. SHBA do të forcojë më tej mbështetjen për të forcuar sigurinë kufitare, për të rritur të ardhurat për Shqipërinë dhe për të rritur biznesin midis SHBA dhe Shqipërisë.'- shkruan Yuri Kim.

Sot 356.370 mijë euro produkte janë vënë nën sekuestro pasi futeshin në Shqipëri si ‘ndihmë humanitare’ duke shmangur detyrimet doganore. Report Tv mësoi nga burime zyrtare se kjo sasi me mallra ishin porositur në emër të një biznesi të regjistruar nga një person me inicialet H.D. Bëhet fjalë për 864 559 kg me artikuj të ndryshëm industrial duke i shkaktuar një dëm shtetit mbi 34 milionë lekë. Për këtë, arsye ai është gjobitur me 207,041.034 lekë. Në total shuma e detyrimeve doganore dhe penaliteteve të shmangura janë 241, 547.874 lekë.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

GJKKO firmos masë të dytë sigurie për Taulant Tushen

GJKKO firmos masë të dytë sigurie për Taulant Tushen