Albin Kurti: Jemi afër marrëveshjes me LDK-në, do ta bëjmë qeverinë e re të paparë

Lideri i Lëvizjes Vetëvendosje Albin Kurti

Lideri i Lëvizjes Vetëvendosje Albin Kurti, ka folur lidhur me negociatat mes tij dhe Isa Mustafës nga Lidhja Demokratike e Kosovës për një koalicion të mundshëm bashkëqeverisës.

Albin Kurti tha se janë afër marrëveshjes me LDK-në.

”Në takimin e fundit në propozimin tonë na është thënë se ”do të kthehen në Këshillin e Përgjithshëm të LDK-së për ta marrë mendimin”. Nuk jam në dijeni se ka diçka të re në këtë aspekt, mirëpo është e domosdoshme të arrijmë marrëveshje të qeverisim bashkë”.

”Këtë na e kërkojnë qytetarët çdo ditë dhe këtë e ka kërkuar edhe vullneti i tyre më 6 tetor të vitit të kaluar dhe besoj që me përgjegjësi politike dhe me interes qytetaro-shtetëror, do duhej të ulemi dhe të merremi vesh dhe ta ngrisim në këmbë Republikën e Kosovës” ta ai te Klan Kosova.

Ku qëndrojnë negociatat për marrëveshje mes VV-së e LDK-së?

”E kam thënë edhe më herët se jemi afër marrëveshjes – jemi aq afër sa që po u afruam edhe më, merremi vesh mirëpo nuk ka takime që 8 ditë ndërkohë që unë jam përditë në Kosovë dhe jam i gatshëm dhe i interesuar”.

”Të enjten e 9 janarit na është thënë ”do të pyetet Këshilli i LDK-së për propozimin tonë”.

Kur do ta dorëzojë emrin e mandatarit tek Presidenti Thaçi?

”Ne do ta dërgojmë propozimin tonë tek presidenti, por po përpiqemi maksimalisht që kjo të ndodhë, pas marrëveshjes që do ta arrijmë me LDK-në”.

”Nga takimi më 6 janar të hënën bëhen 2 javë, dhe po përpiqemi që një propozim i tillë të shkojë në presidencë bashkë me marrëveshjen”.

”Dëshiroj që Qeveria jonë të jetë qeveri e shumicës ku bënë pjesë VV e LDK. Populli ka pasur të drejtë më 6 tetor dhe Kosovën e presin ditë mira në vijim. Ne jemi për marrëveshje e cila do ta bëjë Qeverinë e re të paparë në Kosovën e pasluftës”.

d.ba./Shqiptarja.com
  • Sondazhi i ditës:

    S'ka marrëveshje për reformën, a duhet të ketë qeveri tranzitore përpara zgjedhjeve parlamentare?

Komento

Komente

  • Mala: 18/01/2020 08:52

    SDhteti dhe Qeveria e Kosoves ishte ne kembe,ju e rrenuat!

    Përgjigju


×

Lajmi i fundit

John

Gjiknuri: Kishim gati draftin përfundimtar, por opozita hoqi dorë në minutat e fundit! I kemi votat në Kuvend për ta votuar të vetëm