Alimehmeti: Masat kufizuese nuk e ndalojnë përhapjen e Omicron! Doza e tretë nuk është e nevojshme për nën 55-vjeçarët, fushata e vaksinimit të bëhet përpara pikut të virozave

TIRANË- Vendi ynë vijon të regjistrojë shifra të larta infektimesh, kjo për shkak të transmetueshmërisë së lartë të variantit të ri Omicron, i cili është përhapur në mbarë globin. Epidemiologu Ilir Alimehmeti i ftuar në Report Tv thekson se asnjë masë kufizuese nuk e parandalon përhapjen e tij, ndërsa thekson se vaksina është e vetmja 'armë' për të evituar gjendjen e rëndë të sëmundjes. Sipas tij, fushata e vaksinimit duhet të bëhet përpara përhapjes së virozave.

"E vetmja gjë që ne kemi në dorë për evituar gjendjen e rëndë, është vaksinimi. Idealisht do ishte bërja e vaksinës do ishte ideale përpara sezonit, ne jemi në maksimum edhe me gripin sezonal. Vaksina bëhet historikisht shtator, tetor, fillim nëntorit. Idealisht fushata e vaksinimit masive nuk duhet të përkojë me të njëjtën kohë kur transmetim komunitar të virusit. Kjo është ama kur ne arrijmë të parashikojmë sezonalitetin, përshembull me gripin e parashikojmë. Këtu ka një vështirësi për të parashikuar se kur duhet bërë fushata vaksinimit", u shpreh Alimehmeti për Report Tv.

Duke u ndalur tek vaksinimi i qytetarëve, Alimhemti u shpjegon se doza e tretë rekomandohet vetëm për moshat e treta që të mos përballen me format e rënda të sëmundjes. Ai thekson se deri në moshat 55-vjeç nuk është e nevojshme doza e tretë, duke përjashtuar rastet kur personat kanë edhe sëmundje bashkëshoqëruese.

"Ka prekur një pjesë të mirë të popullatës, është i pashmangshëm ekspozimi ndaj virusit. Omicron është shumë i transmetueshëm, i shpejtë, i pashmangshëm, asnjëlloj lloj mase nuk ka arritur dot të bllokojë transmetimin e këtij virusi. Megjithatë e pamë shumë të qartë që edhe me dozë të tretë, në vetëm 10 javë bie infektiviteti më 45%. Doza e tretë, bëhet për format e rënda, tek mosha e tretë, nuk bën shumë sens te moshat e reja deri 55-vjeç që nuk kanë situata. Ne duhet ta ridemension diskutimin, jo si një vit më parë, Omicron sillet ndryshe nga alfa dhe delta, prandaj duhet ta trajtojmë ndryshe", u shpreh mjeku.

Për Omicron dhe Delta, nuk është e nevojshme që një person të bëjë 14 ditë karantinë, thotë Alimehmeti, duke theksuar se janë të mjaftueshme 5 ose 7 ditë. Edhe në vendin tonë po shqyrtohet shkurtimi i periudhës së karantinimit, kjo u bë me dije nga nëndrejtori i ISHP-së, Dritan Uliqinaku për Report Tv.

"Shumë shtete e kanë ulur, Zvicra e ka bërë 5 ditë, SHBA e ka bërë 7, të gjitha janë në ulje. Ke qenë i infektuar dhe nja 2 ditë përpara, plus 5 ditë, shkon rreth një javë. Koha mesatare e shpërndarjes së virusit është 5.3 ditë. Jo të gjithë rendin të bëjnë testin, e rëndësishme është një këshillë, nëse ke simptoma, mundohu të ruash të tjerët sa më shumë, kur s'ke mundësi të izolohesh mbaj maskë, sepse kur i sëmuri e mban maskën ka shumë vlerë për të tjerët", vijoi ai.

SI.E./J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sfk: 23/01/2022 20:21

    Po ç'thoni kështu s'është e nevojshme nën 55 vjeç, Europa po i vaksinon të tërë me dozën e tretë...

    Përgjigju
  • Aida: 23/01/2022 20:12

    Doza e trete rekomandohet per te gjithe ata mbi 18 vjec ne gjithe boten perendimore. UK dhe Australia e shkurtuan edhe kohen kur duhet te jepet, nga 6 muaj pas dozes se dyte e bene tre muaj. Ky del me i zgjuar nga te gjithe e thote qe nuk duhet doza e trete. Sikur te mos mjaftonin idiotet e teorive konspirative, dalin edhe mjeke si ky qe e corientojne popullsine.

    Përgjigju
  • Sondazhi i ditës:

    A mendoni se Presidenti i ri do të jetë një prej emrave të propozuar nga opozita?



×

Lajmi i fundit

John

Nuk ndalen sulmet ruse në Donetsk