POP 5

Lajmet më të lexuara të 5 minutave të fundit

Bota

Andrew Tates i zgjatet me 30 ditë masa e sigurisë së 'arrestit shtëpiak'

Një gjykatë rumune ia zgjati influencuesit kontrovers të rrjeteve sociale, Andrew Tate, arrestin shtëpiak edhe për 30 ditë të tjera.

Andrew Tates i zgjatet me 30 ditë masa e sigurisë së 'arrestit shtëpiak'

Andrew Tate

Një gjykatë rumune ia zgjati influencuesit kontrovers të rrjeteve sociale, Andrew Tate, arrestin shtëpiak edhe për 30 ditë të tjera. Ai u arrestua së bashku me vëllain e tij, Tristan, në shtëpinë e tyre në Bukuresht, në dhjetor të vitit 2022.

Më 31 mars, pas një vendimi të gjykatësit rumun, ai u zhvendos nga paraburgimi në arrest shtëpiak. Ende nuk janë ngritur akuza kundër vëllezërve apo dy bashkëpunëtorëve rumunë që janë arrestuar bashkë me ta.

Megjithatë, prokurorët po i hetojnë vëllezërit për krime të dyshuara të trafikimit njerëzor, përdhunim dhe formim të një bande kriminale për shfrytëzimin seksual të grave. Vëllezërit Tate i kanë hedhur poshtë këto pretendime.

Dy bashkëpunëtorët, Georgiana Naghel dhe Luana Radu, u transferuan gjithashtu nga paraburgimi në arrest shtëpiak më 31 mars. Të katërtit u urdhëruan të qëndrojnë në banesat ku jetojnë, derisa nuk kanë leje gjyqësore për të dalë.

Është e paqartë nëse edhe bashkëpunëtorëve të tjerë u është zgjatur arresti shtëpiak të premten. Andrew Tate ka miliona ndjekës në internet. Përmbajtja e tij është veçanërisht e popullarizuar në mesin e të rinjve.

 

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria në krah të Kosovës, nuk mbështet qëndrimin e BE-së: Si e gjykoni?

Lajme të tjera



×

Lajmi i fundit

FOTOT/ Xhama të thyera dhe gëzhoja plumbash, brenda “zonës së luftës” në Banjskë

FOTOT/ Xhama të thyera dhe gëzhoja plumbash, brenda “zonës së luftës” në Banjskë

27 Shtator, 17:11