Reagon Senati Akademik: Henri Çili u thirr në polici për Legal Studio, nuk ka lidhje me UET...(por godina ndodhet tek universiteti!)

Reagon Senati Akademik: Henri Çili u thirr në polici për Legal Studio, nuk ka lidhje me UET...(por godina ndodhet tek universiteti!)

TIRANE - Senati Akademik i UET-së, thotë se Henri Çili, pronari i këtij universiteti prej 15 vitesh në Tiranë, është "thirrur në organet e drejtësisë për të dhënë sqarime mbi Legal Studio shpk". Kjo studio, është një entitet krejtësisht i pavarur nga Universiteti Europian i Tiranës, thuhet në reagimin publik të Senatit Akademik të UET-së.

Kështu, profesorati i UET-së nuk përmend në asnjë rast, akuzat e ngritura ndaj Çilit me dyshimin se ndër të tjera, ka ndikuar në sistemin e  drejtësisë për të favorizuar dhe zbutur dënimin e dy vëllezërve nga Lazarati, në këmbim të pronave dhuratë nga babai i tyre Adil Aliko.

Por në fakt, "Legal Studio sh.p.k",  godinën qendrore e ka tek UET, dhe ortaku me 25 % të aksioneve në Legal Studio është administratori i UET-së. 75% të aksioneve të Legal Studio i ka Henri Çili, botues dhe pronar 100% i UET.

"Në interes të informimit të drejtë publik, Senati Akademik i Universitetit Europian të Tiranës sqaron se ndalimi i z. Henri Çili nuk ka asnjë lidhje me veprimtarinë e UET dhe European Education Initiative shpk, që ka në pronësi këtë universitet.Ne si anëtarë të Senatit Akademik reagojmë me indinjatë ndaj pasaktësive, spekulimeve ose dashakeqësive në raportimin e ngjarjes së sotme, duke sqaruar se thirrja e z. Cili në organet e drejtësisë lidhet me dhënien sqarime mbi Legal Studio shpk, i cili është një entitet krejtësisht i pavarur nga Universiteti Europian i Tiranës.

UET dhe shoqëria që e ka në pronësi, respektojnë të gjitha standardet e mirëadministrimit, sipas legjislacionit në fuqi në të gjitha aspektet dhe kanë marrëdhënie shumë korrekte me të tretët. Ky institucion u është nënshtruar standardeve më të larta ndërkombëtare në auditim financiar. Senati Akademik i UET garanton opinionin publik se i gjithë stafi akademik i Universitetit, mbi 100 pedagogë të brendshëm, profesorë dhe anëtarë të Akademisë së Shkencave mbeten të përkushtuar për të vijuar misionin e këtij institucioni të arsimit të lartë, në raport me studentët dhe shoqërinë", thuhet ne reagimin e unifikuar te Profesoratit të Universitetit Europian të Tiranës.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet