Arrestimi i Durim Bamit, gazetari Dema: Do përdoret çdo kartë për ekstradimin! Softa: Dubai, mbretëria ku fshihen kriminelët

TIRANË- Durim Bami, i njohur edhe si i Forti i Niklës, u arrestua në Dubai, pasi është shpallur në kërkim nga SPAK në kuadër të operacionit ‘revanshi’ Gazetari Sokol Dema i ftuar në emisionin ‘Studio Live’ në Report Tv, tha se Bami u lokalizua nga autoritetet shqiptare, të cilat më pas njoftuan ato në Dubai. I forti i Niklës u ndalua bashkë me vëllanë e tij Valter Bami dhe një tjetër shqiptar, por gazetari dema tha se ata u liruan pasi për ta nuk kishte urdhër ndalimi.

“Ka patur ndihmë të madhe të dhënë nga policia, që ka mundur ta lokalizojnë në Dubai dhe më pas njoftuan autoritetet atje. Vetëm për Bamin kishte urdhër ndërkombëtar dhe masë sigurie arrest me burg. Vëllai është lënë i lirë bashkë me shqiptarin tjetër, se s’kishte masë”, tha gazetari Dema.

Për gazetarin Arbër Hitaj, Dema tha se autoritetet shqiptare kanë nisur procedurat për ekstradimin e Durim Bamit, edhe pse kjo do jetë shumë e vështirë pasi marrëveshja me Dubain mungon.

“Shqipëria se ka bërë një gjë të tillë. Ka qenë e pamundur, ka patur arrestime të shumta, përfshitë Plarent Dervishaj apo Eldi Dizadri por s’ka pasur ekstradim. Autoritet do përdorin çdo kartë për të bërë të mundur ekstradimin e të paktën të një prej personazheve të botës së krimit në Dubai. Do tentohet përmes Interpol, por jemi akoma herët për të dhënë një gjë zyrtare”, tha Dema.

Eksperti i sigurisë, Fatjon Softa tha se Dubai është mbretëria ku kriminelët gjejnë parajsën për t’i shpëtuar ekstradimeve.

“Arrestimi i Bamit është një tregues që më të kërkuarit nga drejtësia shqiptare, vërtetojnë që ata janë në Dubai. Si rasti i Bamit dhe Eldi Dizdarit, janë në Dubai, por kemi vështirësie që lirohen për shkak të procedurave. Do ishte një ndihmë e madhe që një nga personat më të kërkuar të ekstradohej. Deri në 1 mln euro është kërkuar për ta eliminuar. Ishin të aktivizuar 16 veta për ta eliminuar. Marrëveshjet me Dubai vazhdojnë të kenë të njëjtat vështirësi, lajmi i parë arrestimi, dhe lajmi i dytë që do lirohet. Dubai është mbretëria ku gjejnë parajsën për t’i shpëtuar ekstradimeve”, tha Softa në Report Tv.

Gazetari Dema foli edhe për të shkuarën kriminale të Durim Bamit, ndërsa shtoi se ai është një ndër personat kyç në dosjen e SPAK, Revanshi.

“Bami është personazhi kyç në dosjen e Revanshi. Përveçse një personazh i shpallur në kërkim për tentativën e vrasjes së Arben Ndokës dhe Tori Xhecukës dhe Erigers Mihasit, kërkoni kokën e tij jo më pak se 16 persona. Ka pasur një konflikt të gjerë të nisur që në 2017 kur është vrarë Aleksandër Ndoka, vëllai i Arben Ndokës. Ka pasur tentativë nga ana e të dyve për të varrë njëri-tjetrin. SPAK ka kopsitur dosjen dhe të kërkojë ekstradimin e tij”, vijoi Dema.

Durim Bami është në akuzë në dosjen “Revanshi” për 4 vepra penale, nga sigurimi i kushteve për vrasje deri tek grup i strukturuar kriminal, kultivim droge dhe kryerje të veprave penale nga organizata kriminale, ose grup i strukturuar kriminal. 

Rendit zhvillimet sipas orarit:
Ora 18:52
Softa në Report Tv: SPAK gati operacionin tjetër për goditjen e grupeve kriminale, të përfshirë edhe policë

 

Eksperti i sigurisë Fatjon Softa u ftuar në Report Tv tha se SPAK pritet të godasë sërish me një operacion të ri për goditjen e grupeve kriminale. I ftuar në emisionin ‘Studio Live’ me gazetarin Arbër Hitaj, Softa tha se të përfishirë mund të rezultojnë edhe policë të nivelit të lartë.

“Do ketë një operacion në shkallë më të gjerë, me disa rrestime të personave, të cilët më në fund kanë prova, që mund të çojnë në arrestime. Kjo që ka krijuar pritshmërinë e publikut dhe tronditjen e këtyre grupeve. Mund të çojë në shkatërrim apo në sekuestrim të pasurive, se ajo që i mban këto grupe është aktiviteti financiar.

Nuk e dimë se çfarë ka SPAK në dosje. Dumani ka shprehur se ku janë aktivitete, qytetet dhe lidhjet. Do kemi një operacion që do shkojë jo vetëm në goditjen e grupeve, por edhe persona të tjerë të përfshirë. Fakti që kemi një tjetër autodeklaratë, që u kërkon policëve nëse kanë pasur lidhje me persona të botës së krimit, shkëmbime vlerash monetar, i paraprin ndoshta një operacioni të afërt që mund të rezultojë me arrestime të nivelit të lartë të punonjësve të policisë”, tha Softa në Report Tv.

“S’e dimë kush do goditet, pro sigurisht SPAK pritet të godasë shumë shpejt”, tha gazetari Sokol Dema.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ish ushfarak: 12/06/2024 20:24

    O zSoftë ky paralajmërim mos është dekonspirim?Lëri uniformat të bëjnë detyrën!

    Përgjigju
  • Sondazhi i ditës:

    Kuvendi kërkon që Greqia të heqë ligjin e luftës, si e vlerësoni?



×

Lajmi i fundit

Washington Post, Obama: Biden duhet të rishqyrtojë seriozisht kandidaturën, rruga drejt fitores është ngushtuar

Washington Post, Obama: Biden duhet të rishqyrtojë seriozisht kandidaturën, rruga drejt fitores është ngushtuar