Austria ndalon fluturimet me Shqipërinë, TIA: Pasagjerët mund të rimbursohen ose të rishikojnë datën deri në fund të 2021

Tirana International Airport njofton se ndalimi i fluturimeve nga Austria hyn në fuqi nga nesër data 16 deri më 31 korrik dhe të gjithë personat që kanë prenotuar një biletë mund të rimburosohen ose të rishikojnë datën deir në fund të vitit 2021.

Kurse për ata që kanë tranzitin në Vjenë do të mbrohen me një linjë tjetër nga një destinacion tjetër tranzit. Personat që duan të aplikojnë për një rimbursim mund të përdorin formularin në internet në faqen e internetit të Austrian Airlines.

Njoftimi i plotë nga TIA-s:
Lajm jo i mirë mbërrin nga Austrian Airlines. Ndalohen fluturimet me Vjenën nga data 16 korrik deri më 31 korrik 2020. Në një njoftim zyrtar, Austrian Airlines njofton sot se Ministria Federale Austriake e Punëve Sociale, Shëndetit, Kujdesit dhe Mbrojtjes së Konsumatorit ka zgjeruar masivisht listën e ndalimeve të uljes së avionëve. Duke filluar nga e enjtja, 16 korrik 2020, Shqipëria nuk do të ketë asnjë fluturim të rregullt me Austrinë dhe do të radhitet në listë me Bosnjën dhe Hercegovinën, Bullgarinë, Egjiptin, Kosovën, Malin e Zi, Maqedoninë e Veriut, Rumaninë, Serbinë, Britaninë e Madhe, Suedinë dhe Ukrainën. Dekreti është i vlefshëm deri më 31 korrik 2020. Për shkak të ndalimit zyrtar, Austrian Airlines është e detyruar të anullojë të gjitha fluturimet ndërmjet Vjenës dhe Tiranës gjatë periudhës 16-31 korrik 2020. Pasagjerët fluturimet e të cilëve janë anuluar dhe të cilët nuk duan të përdorin mundësitë e rishikimit të datave mund të aplikojnë për një rimbursim duke përdorur formularin në internet në faqen e internetit të Austrian Airlines.  https://www.austrian.com/…/help-and-con…/contact-form-refund

Pasagjerët që dëshirojnë të kryejnë fluturimin e tyre në një datë të mëvonshme, kanë mundësi të ndryshme rishikimi dhe mund të realizojnë udhëtimin e tyre të ndryshuar deri në fund të 2021.
Pasagjerët që kanë tranzitin në Vjenë, do të mbrohen me linjë tjetër nga destinacion tjetër. Austria Airlines parashikon mbrojtjen e pasagjerit. 
Shëndet e shpresë.Tirana International Airport.

Kujtojmë se ministri i shëndetësisë austriak, Rudolf Anschober e dha dje vendimin për mbylljen e kufijve me 10 vende të tjera, mes tyre edhe Shqipërinë për shkak të përkeqësimit së situatës së Covid-it.

TAG:
• austria
• Tirana International Airport
• Koronavirus
• koronavirusi ne shqiperi