Autoriteti nis hetimet për gjetjen e eshtrave të 44 të zhdukurve të ‘Spaçit’! Historiani: Pse shteti heshti! 3 dekada pa protokoll, Marku: Zhvarrosëm 14 burra

Me 2 mijë të burgosur nga viti 1968, deri në rrëzim të diktaturës, Spaçi mbetet një nga ish burgjet më famëkeq, për kushtet e rënda, shfrytëzimin në punë deri në vdekje por edhe ekzekutimet e vendvarrimet e paidentifikuara...

Pas përpjekjeve të vazhdueshme, Autoriteti për Informimin mbi Dokumentet e Ish-Sigurimit të Shtetit, prej 2 qershorit ka nisur hetimin administrativ për rikuperimin e eshtrave të 44 të zhdukurve në Burgun e Spaçit.

Vendvarrimet e dyshuara janë katër.

Kjo listë tregon shkaqet e vdekjeve të tyre. Për 32, diktohen sëmundjet e rënda. Janë 4 të dënuar, pushkatuar dhe ekzekutuar në Revoltën e Spaçit dhe 9 të ekzekutuar me dënim kapital të Gjykatës së Rrëshenit e Shkodrës...

Sëmundjet e rënda shkaktoheshin nga kushtet e vështira por edhe shfrytëzimi në miniera, ndonëse nuk ishte një kamp-burg pune, por riedukimi.

Ish të burgosurit politikë të Spaçit, ndërtuan 88.3 km galeri, duke pasur një impakt të fortë në ekonominë e vendit.

Në raste të tjera raportimi i vdekjeve për shkak të sëmundjeve ka qenë kamuflim. Ilir Arifi, i biri i Eqeremit, një prej të zhdukurve në burgun e Spaçit, nga verifikimet që ka bërë individualisht, dyshon se i ati ka vdekur për shkak të torturave.

Janë mbi 6 mijë të zhdukur në të gjithë vendin, të pushkatuar nga regjimi, ose të vdekur në burgje e kampet e internimit. Ajo që e ka thelluar problemin, është fakti se trupat e viktimave, nuk mund t’u ktheheshin familjarëve, pa u përmbushur vitet e dënimit.

Në mungesë të një protokolli zyrtar, disa prej të afërmeve gjatë këtyre 32 viteve kanë marrë iniciativa individuale për kërkim të eshtrave. Vetë Gjergj Marku, anëtar i Autoritetit me vendim Parlamenti, si dhe pjesë e grupit të punës në hetimet administrative,  tregon se ka asistuar në një prej tyre.

Ndërkohë Autoriteti është ende në pritje të Vendimit të Këshillit të Ministrave “Për mënyrën e mbrojtjes dhe ruajtjes së vendvarrimeve të identifikuara ose të dyshuar”. Propozim i bërë prej dy vjetësh.

Hetimet nisin së shpejti dhe do të vijojnë paralelisht përmes grupeve të punës në terren, ku do të përfshihen institucionet lokale e qendrore. Do të bashkëpunohet me ekspertë antropologë, kriminalist dhe të mjekësisë ligjore. Do të hartohen raporte periodike, analiza dhe dosje individuale.

Fitimi ekonomik nga puna e detyruar e ish të burgosurve në Spaç

Fitimi ekonomik nga puna e detyruar e ish të burgosurve në Spaç

Shkaqet e vdekjeve të ish të burgosurve të Spaçit të zhdukur

Shkaqet e vdekjeve të ish të burgosurve të Spaçit të zhdukur

Pikat e vendimit që do ndiqen për nisjen e hetimeve administrative 

Pikat e vendimit që do ndiqen për nisjen e hetimeve administrative 

Pikat e vendimit që do ndiqen për nisjen e hetimeve administrative 

Pikat e vendimit që do ndiqen për nisjen e hetimeve administrative 

M.T/A.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shabani: 05/06/2023 19:11

    Ne 92shin diktatori komunist Sali Berisha duhet ti kishte hapur!por diktatorit nuk i interesonte per keto fatkeç,qe koha e ketij i presekutoj! Por edhe ky i ripresekutoj me genjeshtrat e tija.Te presekutuarit tja kerkojne Saliut si sekretar Partie i asaj diktature.Sali Berisha i genjeu edhe jua vodhi parate e te presekutuave ,pra ky eshte ai qe çirret per ju te nderuar.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Zhgënjen Denver, Golden State dhe Lakers fitore play-offi

Zhgënjen Denver, Golden State dhe Lakers fitore play-offi