Balla sërish ftesë opozitës për bashkëpunim pas zgjedhjeve: Gati të reformojmë Kuvendin nga 140 në 101 deputetë! LSI nuk formon grup parlamentar! Nuk e përjashtoj përfshirjen në qeverinë e re

Partia Socialiste ka ftuar sërish për bashkëpunim pas zgjedhjeve të 25 prillit kryetarin e PD-së Lulzim Bashën. Deklaratat u bë nga numri 2 i PS-së, Taulant Balla gjatë një intervistë nga Elbasani me gazetarin Denis Minga në Report Tv. Balla tha se bashkëpunimi me PD-në ka nisur më 17 maj, duke shtuar se ky bashkëpunim do të jetë në kuadër të reformave të thella në qeveri. Balla tha se në mandatin e ardhshëm janë të gatshëm që të bashkëpunojnë dhe të ulin numrin e kandidatëve për deputetë në Kuvend nga 140 në 101.

'Shqipëria e Ardhmja jonë është motoja e kësaj fushate dhe ne jemi munduar që të japim një mesazh bashkimi për të çuar para Reformat që ka para vendin. Ne e dimë shumë mirë që nevoja në punën parlamentare për të pasur bashkëpunim me opozitën është e domosdoshme. Në këtë këndvështrim ka qenë edhe ftesa drejtuar Lulzim Bashës që sipas të gjitha gjasave do të jetë kryetari i opozitës për 4 vitet e ardhshme. pas 25 prillit të çelim një faqe të re të bashkëpunimit mazhorancë opozitë. Edhe populli duket qartë që është i gatshëm ti japë PS-së një mandat tjetër qeverisje, në çdo rast edhe opozita duhet ta lexojë rolin e vet si një rol shumë të rëndësishëm, sidomos për reformat e thella politike. Bashkëpunimi me PD ka nisur ne 17-18 maj 2017 por u ndërpre nga Basha. Ne e kemi bërë pjesën tonë në këtë marrëveshje, ishte Basha që nuk e respektoi. Vendi ka nevojë për një Reformë të thellë politike do të sugjeroja edhe uljen e numrit të deputetëve, do të rrisnin cilësinë do të ulen shpenzimet e Kuvendit, dhe kjo kërkon edhe bashkëpunimin me opozitën. 101 deputetë, sepse numri duhet të jetë tek. Mendoj disa çështje të asaj marrëveshje të implementohen në legjislaturën e re.'- tha Balla.

Sa i takon LSI-së, Balla tha se kjo parti nuk do të arrijë që të formojë një grup parlamentar, i cili kërkon të paktën 7 deputetë. Sipas Ballës LSI-në e ka nxjerri populli për skrap.

'LSI nuk do të ketë një grup parlamentar, nuk do të arrij të ketë më shumë se 7 deputetë në këto zgjedhje. LSI po ikën për skrap dhe nuk ka nevojë që ta nxjerrim ne, po e nxjerr popullit. këtu në Elbasan LSI ka shkuar drejt metarlurgjikut.'- tha Balla.

Duke u ndalur në karrierën e tij politike, Balla nuk e përjashtoi mundësinë që këtë mandat të jetë edhe pjesë e kabinetit qeveritar.

'Për mua e rëndësishme është që PS të vazhdojë të qeverisë vendin. Nuk përjashtoj përfshirjen në qeverinë e re si ministër. Të qenurit ministër, pjesë e karrierës sime politike, vendimi do merret në kohën e duhur.'- u shpreh Balla.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Aksident te rethrrotullimi i Kolonjës, makina çan barrierat e rrugës dhe fluturon në kanal

Aksident te rethrrotullimi i Kolonjës, makina çan barrierat e rrugës dhe fluturon në kanal