POP 5

Lajmet më të lexuara të 5 minutave të fundit

Sociale

Belinda Balluku mban peng rindërtimin e 40 shtëpive në Lezhë, 64-vjeçarja prej 3 vitesh jeton në barakë! Bashkia: Kemi kërkuar rritje fondesh

Kanë kaluar më shumë se 3 vite nga tërmeti dhe në Lezhë ende nuk ka nisur puna për ndërtimin e shtëpive individuale. Mes 40 familjeve të pastreha është dhe Shaqe Leka që jeton e vetmuar në kasolle! Report TV u interesua në Bashkinë e Lezhës ku mësoi se prej 5 muajsh pritet rritja e fondeve nga drejtoria e Rindërtimit në varësi të ministres, Belinda Balluku.

Prej më shumë se tre vitesh, Shaqe Leka jeton në barakë. Shtëpia e saj në fshatin Ishull-Lezhë u shemb nga tërmeti i 26 nëntori 2019 dhe 64-vjecarja e vetmuar pret që bashkia t'i ndërtojë shtëpinë e re.

Jetesa në barakën me dërrasa është mjaft e vështire tregon gruaja e vetmuar, e cila trajtohet me bonus qiraje me vlerë 10 mijë lek (të reja) në muaj. Këto para janë të pamjaftueshme për të marrë një shtëpi me qira. Ajo kërkon ti ndërtohet  shtëpia e re në fshat ose të strehohet në pallatet e reja të rindërtimit në qytet.

“Po bëhen 4 vite që jam në kasolle, me ilaçe jam, e sëmurë, spitalin e kam larg. Jeni duke e parë vete gjendjen si është këtu. Të vështirë e kam, frikë natën se këto dërrast rrëzohen me një të shtyrë. Me frike fle”, - tha  Shaqe Leka.

Në situatë të ngjashme janë 40-familje në fshatrat e Lezhës, pasi procesi i rindërtimit për banesat individuale ka ndaluar prej janarit të këtij viti. Firma që kishte fituar tenderin me vlere 800 mijë euro nga bashkia e Lezhes u tërhoq nga punimet me pretendimin se është rritur çmimi i materialeve të ndërtimit. Prej 5 muajsh, Bashkia e Lezhës ka bërë kërkesë në drejtorinë e Rindërtimit në varësi të ministres së Infrastrukturës, Belinda Balluku, por nuk është miratuar rritja e fondeve.

“Ngërçi i vetëm është për 40 banesa sepse rritja e çmimeve bëri që procedura e tenderit të ngecë! Kemi korrespondencë me drejtorinë e Rindërtimit në Ministrinë e Infrastrukturës në mënyrë që të përmbyllim gjithë procesin rindërtimit”, u shpreh Ermal Pacaj, nënkryetar i Bashkisë së Lezhës.

Lezha ishte një ndër zonat më të prekura nga tërmeti i 26 nëntorit 2019-të dhe sipas te dhënave zyrtare, programi i rindërtimit ka përfunduar për pallatet, ku janë shpërndarë mbi 200 apartamente ne qytet, por ka ngecur për shtëpitë indivuale duke penalizuar 40 familje që jetojnë në fshatra.  

SI.E./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Scholz: Lufta në Ukrainë mund të zgjasë disa vite

Scholz: Lufta në Ukrainë mund të zgjasë disa vite

19 Prill, 22:19