Bankers Petroleum solidariazohet me punonjësit që përballen me COVID-19, dhuron rreth 15 mijë maska për 3 bashki

Kompania "Bankers Petroleum" ka zgjedhur t'u qëndrojë pranë punonjësve që këto ditë të vështira për vendin tonë po përballen në terren me virusin COVID-19. Bankers ka shpërndarë për bashkitë e Fierit, Patosit dhe Roskovecit rreth 15 mijë maska, për t'i ardhur në ndihmë kështu punonjësve të bashkive, që njëjtë si bluzat e bardha, edhe ata janë në vijën e parë të punës.

Përfaqësuesit e qeverisjes lokale e kanë quajtur të çmuar këtë ndihmë në momentet kritike që vendi po kalon nga pandemia.

"Kjo ndihmë e Bankers vjen në këtë moment shumë të vështirë për ne, por nuk është e vetmja ndihmë. Bashkëpunimi mes nesh dhe Bankersit është një bashkëpunim në vazhdimësi, si pjesë e programeve të tyre për komunitetin ku kanë kontribuuar në të gjithë territorin e bashkisë me projekte të ndryshme", u shpreh administratori i Bashkisë së Fierit, Florian Muçaj.

Kryetarja e Bashkisë Patos, Rajmonda Balili ndau vlerësimet për këtë gjest solidar, duke sjellë në vëmendje edhe kujdesin që në vazhdimësi kompania më e madhe e prodhimit të naftës në vend ka treguar ndaj komuniteteve ku operon.

"Kompania Bankers, që gjej rastin ta falenderoj, i është bashkuar kërkesës së pushtetit vendor për të furnizuar me një sasi të konsiderueshme paketash ushqimore, për të përmbushur disa nga nevojat e qytetarëve tanë në territorin ku edhe vet kompania operon. Por nga ana tjetër, kompania Bankers e kujdesur drejtpërsëdrejti nga presidenti i saj zoti Xingyun Sun ka sjellë edhe një kontigjent maskash për këto ditë. 5 mijë maska që do t'i përdorim për personelin tonë, për të gjithë punonjësit tanë që janë në terren çdo ditë dhe kanë nevojë për masa mbrojtëse", u shpreh kryetarja e Bashkisë së Patosit, Rajmonda Balili.

Vetëm gjatë ditëve të fundit, kompania naftë-nxjerrëse e cila operon në fushën e Patos- Marinzës ka shpërndarë rreth 400 pako me artikuj ushqimore dhe pastrimi për familjet në nevojë në Bashkitë e Patosit dhe Roskovecit.

Bankers e sheh veten si një partner dhe mik i pandashëm i komunitetit ku operon dëshmuar kjo nga ndihmat për qytetarët përmes projekteve, granteve dhe ndihmave të ndryshme.

1586510608_bankers.jpg

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

SPAK sekuestron pasuritë e dy ortakëve të Evis Berberit

SPAK sekuestron pasuritë e dy ortakëve të Evis Berberit