X

POP 5

Lajmet më të lexuara të 5 minutave të fundit

Sociale

Banorët e lagjes ‘Demokracia’ në Mamurras ngrihen në protestë: Mjetet e tonazhit të rëndë po na rrezikojnë fëmijët

Banorët e lagjes “Demokracia” në Mamurras u ngritën këtë të enjte në protestë, pasi kalimi i mjeteve të tonazhit të rëndë po dëmton rrugën ku kalojnë çdo ditë duke u shndërruar në rrezik edhe për fëmijët e tyre.

Mjetet e tonazhit të rëndë, janë kthyer në kërcënim jo vetëm për rrugën por edhe për banorët e lagjes Demokracia në Mamurras. Në shenjë proteste, ata bllokuan këtë të enjte lëvizjen e kamionëve që kalojnë në rrugët e lagjes së tyre.

“Duam të na hiqen makinat e trajlerat që kalojnë këtu. Përditë këtu do jemi. Ose këtu ose me vdek krejt”, shprehet një zonjë e moshuar.

Nuk është vetëm një problematikë por janë disa për shkak të kamionëve që kalojnë. Tonazhi i rëndë i mjeteve ka shkaktuar dëmtime të rrugës sepse një fragment i rrugës është i shtruar dhe po demtohet pjesa tjetër që është e shtruar me çakull, me inerte pasi nuk ka kanalizim dhe mbulohet nga balta", thotë një banor. 

Banorët thonë se e vuajnë prej vitesh këtë problem pasi veç zhurmave dhe pluhurit, mjetet e tonazhit të rëndë janë kthyer në rrezik dhe për jetën e fëmijëve.

“Jemi mbledhur sot pasi rruga është bërë jashtëzakonisht e vështirë për banorët. Jo vetëm dimrit që është balta deri në gju, por edhe gjatë verës me pluhur dhe zhurma. Ne këtu afër kemi dhe shkollën  dhe të gjithë fëmijët e shkollës ju rrezikohet jeta nga kalimi i kamionëve të tonazhit të rëndë.

Banorët paralajmërojnë se do të vazhdojnë me protestat dhe bllokimin e lëvizjes së mjeteve të rënda, derisa të vendoset bllokimi i qarkullimit në lagjen e tyre. Ky aks rrugor përdoret nga kompanitë e ndërtimit për të transportuar materiale inerte nga kodra e qytetit drejt kantierëve ku po ndërtohen pallatet. Pas protestës, kryetarja e Bashkisë së Kurbinit, Majlinda Cara u ka premtuar banorëve se do të bllokojë qarkullimin e kamionëve brenda datës 1 shkurt.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Basha akuzon se ka aleancë PS-Rithemelimi kundër SPAK, e besoni?

Lajme të tjera



×

Lajmi i fundit

Shefi i ushtrisë izraelite thotë se Izraeli do t’i përgjigjet sulmit të Iranit

Shefi i ushtrisë izraelite thotë se Izraeli do t’i përgjigjet sulmit të Iranit

15 Prill, 23:00