Kryemadhi nuk mban maskë? Basha nga Shkodra: Unë jap shembullin personal, që prej ditës së parë

Në ndalesën e rradhës në Shkodër, kreu i Partisë Demokratike, Lulzim Basha, zhvilloi një bashkëbisedim me bisnesin në këtë qytet dhe zhvilloi një takim me kryetaren e bashkisë së qytetit, Voltana Ademi.

Pas takimit, z. Basha foli edhe për mediat lokale atje. Kryedemokrati tha se vendi është në një situatë shumë të rëndë pasi sipas tij është rritur papunësia dhe varfëria. Kjo situatë sipas Bashës kërkon veprime të vendosura. 

Ai është pyetur nga gazetarët edhe nëse ka një apel për aleaten e tij znj. Kryemadhi që nuk mban maskë.

"Apeli im është ndaj të gjithë qytetarëve shqiptarëve dhe apeli më i mirë është shembulli im personal që prej ditës së parë", përfundoi Basha.

Basha gjatë takimit me përfaqësues të biznesit tha se PD po sillet me përgjegjësitë e një force politike njësoj sikur të ishte në qeverisje. I shoqëruar me  kryetaren e Bashkisë Voltana Ademi, Basha u shpreh i sigurt se qytetarët janë gati për të sjellë rotacionin politik.

“Dua të falënderoj kryetaren e bashkisë që ka propozuar që të hiqen taksat për biznesin. Qeveria nuk ka marrë përgjegjësinë që të miratojë këtë propozim të kryebashkiakes. Ne kemi gjykuar se kjo ishte mënyra e drejtë për të vepruar, siç po bënin vendet e rajonit. Kemi kërkuar që të kalohen ndasitë politike. Sot ka dalë një studim, ku tregon se 4900 biznese janë mbyllur, ku Shkodra është ndër vendet më të goditura. Sa i takon ekonomisë së bizneseve në Shkodër, shpresova dhe bëra thirrje që të tejkaloheshin ndasitë politike. Ata këshilltarë të Këshillit Bashkiak mund të bënin një vepër të mirë, për të hequr detyrimet lokale. Ta bënin pa preson. Unë e di se ata kanë pasur presion. Të paktën ne ato momente të fillimit të krizës, shpresoja shumë që do ta ndanin politikën e përditshme nga hallet e mëdha që po pllakosin shqiptarët dhe Shqipërinë. Falimentimi i bizneseve është për shkak të neglizhencës. Situata ndodhet në këtë pikë për shkak të braktisjes që i është bërë sot Shkodrës nga qeveria. Dje kemi pasur një regjistrim rekord vdekjesh. Numri për fakt të keq që fshihet nga Rama është dhe më i lart. Të gjithë duhet të mbajmë përgjegjësitë tona në këtë situatë. Numri i infeksioneve po rritet në mënyrë galoponte, ndaj duhet të kemi kujdes. Këtu ka dështuar në mënyrë spektakolare. I qëndroj dhe një herë propozimit që bëmë në mars, sipërmarrja dhe biznesi i vogël duhet të ketë të paktën të njëjtën ndihmë që jep Kosova dhe Mal i Zi. Kjo gjendje është produkt i një krize të tejzgjatur.”, tha Basha.

 ...

Rendit zhvillimet sipas orarit:

Të Fundit Të Parat

B.K./K.T./Shqiptarja.com

TAG:
• lulzim basha
• voltana ademi