POP 5

Lajmet më të lexuara të 5 minutave të fundit

Sport

Bayern-i bën gati festën, fitorja sot ndaj Werder-it e bën kampion (VIDEO)

Bayern Mynih mund të shpallet sonte kampion i Gjermanisë për herë të tetë me radhë. Nëse bavarezët fitojnë në transfertën ndaj Verder-it atëherë ekipi është kampion. Ndërkaq në Spanjë zbret në fushë Barcelona kryesuese.

Bayern Mynih e ka gati festën për titullin kampion që do të jetë i teti radhazi. Bavarezët po ashtu i kanë gati birrat për të festuar nëse fitojnë sonte në ndeshjen ndaj Werder Bremen në transfertë që do të thoshte titull dy javë nga fundi. Duke nisur nga ora 20:30 djemtë e Hansi Flick do të jenë të impenjuar ndaj Werderit të Milot Rashicës që lufton për të mos rënë një kategori më poshtë.

Edhe nëse Bayerni nuk fiton sot mjafton që Dortmundi të marrë të njëjtat pikë neser dhe titulli sërish fitohet. Rikthehen në formacionin titullar për sot Lewandowski dhe Mueller që ishin të pezulluar ndeshjen e kaluar ndërsa ka dilema për krahun e majtë të mbrojtjes mes Davies dhe Lucas Hernandez. Por në kohë pandemie disi e çuditshme do të jetë festa e titullit. Bayerni do të festojë me silenciator pasi edhe festa në qytet është anulluar dhe flitet për një festë virtuale por më parë duhet fituar ndaj Werderit sonte.

Duke parë që Real Madrid është vetëm dy pikë larg, Barcelonës nuk i lejohen gabimet sonte ndaj Leganes në Camp Nou. Messi me shokë rikthehen në shtëpinë e tyre pas 101 ditësh dhe pritet titullar pas dëmtimit të gjatë edhe Luis Suarez. Në mesfushë rikthehen nga minuta e parë Arthur e Rakitic dhe De Jong ndërsa Messi do të udhëheqë sërish ekipin. Real Madrid është i impenjuar të enjten ndaj Valencias./ Përgatiti Andi Kapxhiu.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Aksionet në ankand, presidenti i KF Tiranës kundër padi në gjykatë! Çfarë kërkon Refik Halili?

Aksionet në ankand, presidenti i KF Tiranës kundër padi në gjykatë! Çfarë kërkon Refik Halili?

24 Prill, 10:02