TIRANË- Sekretari i Përgjithshëm i NATO-s, Jens Stoltenberg tha se ekspertët e Aleancës po e shqyrtojnë ofertën e Shqipërisë për ndërtimin e bazës ushtarake në Porto Romano. Në një intervistë për mediat malazeze, Stoltenberg deklaroi se pas vlerësimit të ofertës ato do të japin këshilla në varësi të situatës ushtarake.
“Mirëpresim ofertat e aleatëve për vendosjen e objekteve të NATO-s. Ekspertët tanë duhet të shikojnë të gjitha ofertat e tilla dhe më pas të japin këshilla në varësi të kushteve ushtarake. Koncepti i ri Strategjik i NATO-s, i cili u miratua në Samitin e Madridit, konfirmoi edhe një herë rëndësinë strategjike të Ballkanit Perëndimor për aleancën tonë. NATO do të vazhdojë të promovojë stabilitetin, sigurinë dhe bashkëpunimin në rajon, duke përfshirë përpjekjet e përditshme të KFOR-it, selisë sonë në Sarajevë dhe zyrës në Beograd. Siguria dhe stabiliteti në Ballkanin Perëndimor është e rëndësishme për NATO-n dhe për paqen dhe stabilitetin në Evropë”, tha Stoltenberg.
I pyetur nëse është i shqetësuar për stabilitetin afatgjatë të Kosovës, Stoltenberg tha se ka diskutuar me lidershipin e Prishtinës dhe Beogradit për tensionet në veri dhe shtoi se të dyja palët duhet të qëndrojnë të qetë, të shmangin veprimet e njëanshme dhe të angazhohen në mënyrë konstruktive në dialogun e ndërmjetësuar nga BE.
“Në përputhje me mandatin e tij të OKB-së, misioni i KFOR-it po monitoron nga afër situatën dhe është i gatshëm të ndërhyjë nëse kërcënohet stabiliteti i Kosovës”, tha ai.
Në këtë kuadër, Stoltenberg theksoi se siguria dhe stabiliteti në Ballkanin Perëndimor është e rëndësishme për NATO-n dhe për paqen dhe stabilitetin në Evropë.
Aktualisht po ndërtohet baza taktike ajrore e NATO-s në Kuçovë, e cila është tërësisht financim i huaj. Ndërkohë që për sa i përket portit në Porto Romano, ajo do të financohet nga shteti shqiptar, pjesa komercale, siç vetë Rama e ka bërë me dije, duke sqaruar se është ftuar NATO, që të marrë pjesë në një bashkëfinancim për pjesën ushtarake.
Komente
Lajme të tjera
-
DASH: Ndalimet arbitrare të qytetarëve dhe policëve të Kosovës, veprime përshkallëzuese
18 Prill, 18:12 -
Bruksel, dështim i ri në bisedimet për dinarin serb! Prishtina e Beogradi fajësojnë njëra tjetrën
18 Prill, 17:28 -
Një vend dedikuar artit dhe kreativitetit, hapet Qendra e Artit, Kulturës dhe Inovacionit në Korçë
18 Prill, 15:29 -
Kurti: Lirohen katër efektivët e ndaluar, zv.drejtori i policisë së Kosovës mbahet ende në Serbi
18 Prill, 11:45 -
Osmani: Pesë policë të Kosovës po mbahen peng nga Serbia
18 Prill, 10:54 -
Kosova akuzon Serbinë se ka ndaluar 10 nga pjesëtarët e policisë së saj
18 Prill, 07:15 -
Begaj pret delegacionin e Asamblesë Parlamentare të NATO-s: Shqipëria do të vijojë të luajë rolin e saj si faktor paqeje
17 Prill, 21:31 -
SHBA trajnon policitë kufitare të Shqipërisë dhe Kosovës
17 Prill, 18:49 -
KiE vendime historike për Shqipërinë dhe Kosovën, Gjonaj: Reforma në drejtësi ka vlerësim maksimal! SPAK sulmohet pasi është në rrugën e duhur
17 Prill, 18:22 -
Oda Amerikane: Bllokimi i qytetarëve të Kosovës nga Serbia pengon stabilitetin rajonal
17 Prill, 18:06 -
Përfundon argjinatura në Juban të Shkodrës, Rama: Shmang rrezikun e përmbytjeve në Kuç e Vukatanë
17 Prill, 15:25 -
Një ditë më parë djali vrau nusen, ndërron jetë nëna e autorit në Pejë
17 Prill, 14:51
Cne Porto Romano, kur baza detare me e lakmuara nder shekuj nga fuqite e medha ushtarake ka qene baza e Pashalimanit ne Vlore.. Per afersine me Kosoven dhe transportin e trupave apo mjeteve ushtarake, ok.., Durresi eshte pika me e mire. Duke qene qe do ndertohet dhe hekurudha Durres-Prishtine dhe mjetet ushtarake mund te transportohen shpejt dhe lehte. Por per pike strategjike detare per luftanije dhe nenedetese, baze si e Pashalimanit nuk gjendet as ne mesdhe..
Përgjigju