Koronavirusi/Komisioneri Varhelyi letër Ramës: Do ju ndihmojmë, 'Linjë e gjelbër' për kalimin e mallrave mes BE dhe Ballkanit

Koronavirusi/Komisioneri Varhelyi letër Ramës: Do ju ndihmojmë, 'Linjë e gjelbër' për kalimin e mallrave mes BE dhe Ballkanit

Pasi BE tha 50 milionë euro ndihmë për Shqipërinë për të përballuar krizën e Covid 19,  Komisioneri për Zgjerimin, Oliver Varhelyi i ka dërguar një letër Kryeministrit Edi Rama, ku i thekson se Shqipëria do të përfshihet në iniciativat e BE në përgjigje ndaj krizës së krijuar nga pandemia si dhe krijimin e një 'linje të gjelbër' me BE dhe rajonit për të lehtësuar qarkullimin e mallrave dhe pajisjeve mjekësore në këtë situatë. Letra mban datën 24 mars, ku shprehet mbështetja e BE për Shqipërinë dhe vendet e Ballkanit Perëndimor.

'Në këtë kohë të vështirë, bashkëpunimi dhe solidariteti janë çelësi dhe BE qëndron pranë vendeve të Ballkanit Perëndimor në luftën dhe krizën e shkaktuar nga Covid 19. Po studiohen mënyrat e  përfshirjes së Shqipërisë në iniciativat që BE po ndërmerr në përgjigje të pandemisë COVID-19, apo sesi të mbështesë më mirë në lehtësimin e ndikimit të tij socio-ekonomik',  shkruhet në letër

Në lidhje me skadimin e afatit të qëndrimit në zonën Schengen të qytetarëve shqiptarë që mbetën të bllokuar si pasojë e mbylljes së kufijve për shkak të koronavirusit, Varhelyi shkruan se 'në lidhje me bllokimin e qytetarëve tuaj në shtetet e BE, Komisioni është në diskutime me vendet anëtare për të gjetur një zgjidhje në lidhje me këtë çështje'.

Kriza financiare dhe ndikimi negativ në ekonomi që shkaktoi Covid 19, BE po i përgjigjet me ndihëm në fonde, ku Shqipëria do të marrë 35 milionë euro vetëm për rimëkëmbjen ekonomike. Ndërsa komisioneri Varhelyi tha se po punohet për të krijuar lehtësira për sektorin privat dhe adresohen të gjitha problemet e tyre.

'Jemi duke punuar së bashku me institucionet financiare ndërkombëtare se si të adresojmë sa më mirë problemet dhe likuiditetin financiar të sektorit privat dhe lehtësirat që do të ndihmonin vendet e Ballkanit Perëndimor.'

Në një kohë kur virusi po përhapet me shpejtësi dhe situata nga një vend në tjetër janë në ndryshim të vazhdueshme, komisioneri kërkon krijimin e një "linje të gjelbër" që do të shërbejë si kanal për qarkullimin e mallrave të domosdoshme në këtë periudhë për luftimin e virusit, ndërsa kërkon bashkëpunimin maksimal nga vendet e rajonit dhe të veprojnë si një i vetëm.

'Gjithashtu po diskutojmë transportin dhe qarkullimin e mallrave në rajon për të lehtësuar lëvizjen jo vetëm brenda rajonit por edhe BE dhe kjo konsideron krijimin e një "linje të gjelber" që do të mundësojë kalimin e mallrave me lehtësi. Kjo kërkon që rajoni të bashkëpunojë ngushtë dhe në mënyrë të plotë sepse vetëm nëpërmjet një bashkëpunimi të ngushtë dhe solidaritetit një sfidë e kësaj madhësie mund të tejkalohet. Kjo është një situate e cila evoluon me shpejtësi dhe ne na duhet të përshtatemi në varësi të situatës” ', shkruan Varlehyi

Në letër shkruhet edhe për 50 milionë eurot e dhëna nga BE për Shqipërinë, ku ashtu siç sqaroi një ditë më parë ambasadori Soreca, 4 milion € janë për pajisje të menjëhershme dhe mbështetje shëndetësore, 11 milion€ për mbrojtje sociale dhe 35 milion € për rikuperim ekonomik.

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet