'Bëhet i gjallë' Besim Skila, zhdukur nga Londra, kosovari zbuloi vendndodhjen e matjanit, e takoi në kafenenë me tenda të kuqe

Gjurmë jete në vitin 2008 të Besim Skilës, 45-vjecari nga Mati që humbi kontaktet me familjen nga Londra, më 5 shtator të vitit 2000. Kjo ka bërë që ’’Pa gjurmë’’ të rinisi kërkimet intensive, që nga humbja e tij, duke zbuluar një tjetër vendndodhje të matjanit, 5 minuta larg nga banesa ku mendohet se ka jetuar nga viti 2000 deri në vitin 2002, kur pas kërkimeve nga zyrat e emigracionit u mësua se ai aplikoi për riatdhesim vullnetar në Kosovë.

Kolegu ynë në Londër, Astrit Ferizi, në një investigim të bërë, prej ditësh në zonën ku ka jetuar 45-vjecari ka mundur të vjelë mjaft informacione të vlefshme, që shpiejnë në gjurmët e tij, që nga humbja. Ai i tha ’’Pa gjurmë’’ se ka pyetur mjaft shqiptarë që jetojnë në Londër. Ata i kanë pohuar se e kanë  parë në zonën Wimbledon. Këto dëshmi përforcohen edhe nga ajo e një shqiptari të Kosovës, i cili pretendon se është takuar me Besimin në vitin 2008 dhe se pikërisht në një kafe të vogël, me tenda të kuqe i emërtuar si ’’Costa’’kanë konsumuar kafe. Ky bar-kafe ndodhet 5 minuta larg në këmbë nga banesa ku ka jetuar 45-vjecari. 2008 është dëshmia e fundit që ridimensionon pistat e kërkimit.

'Missing people' është fotoja e cila është shpërndarë në të gjithë Wimbledon-in, ku mendohet të ketë lëvizur përgjatë kësaj kohe, ndërsa kontaktet me familjen i kishte ndërprerë prej vitesh. Adresa e fundit është ajo 151A Rruga Ley, adresë ku ai ka jetuar me djalin e hallës. "Pa Gjurmë", risolli këtë histori, në kërkim të vazhdueshëm të 45-vjecarit, pasi shfaqja dhe zhdukja e mistershme e tij ka shtuar edhe më shumë insistimin e familjarëve, për të mësuar të vërtetën e këtij 45-vjecari.  Besimi u largua nga Shqipëria drejt Anglisë së bashku me një nga kushërinjtë e tij. Në kontaktet e para me familjarët u tha se jetonte në Londër dhe se kishte filluar punë në një biletari. Atje ai jetoi me kushërinjtë, dhe së fundi me djalin e hallës. La shtëpinë e tij duke lënë vetëm një shënim: Jam nisur për në punë!

/r.k./Shqiptarja.com

TAG:
• Pa Gjurme
• besim skila
• Astrit Ferizi