Berat/Kishin kanabis me vete, 3 të rinj nuk i binden urdhrit për të ndaluar, përplasin makinën e policisë! Arrestohen dy, një tjetër në kërkim

Dy persona janë arrestuar dhe një tjetër është shpallur në kërkim në Berat, pasi u kapën me një sasi lënde narkotike. Në pranga përfunduan Elsjon Muzyri, 21 vjeç dhe Xhuljano Mollaj, 27 vjeç, të dy banues në lagjen Uznovë, Berat, si dhe u shpall në kërkim shtetasi E. L.

3 të rinjtë po udhëtonin me mjetin e tyre, ndërsa polica u bëri postbllok në aksin rrugor Poliçan-Berat, në vendin e quajtur "Qafa e mullirit"  pas  informacioneve të marra se posedonin një sasi lënde narkotike me vete.

Shenjës së policisë për të ndaluar, të rinjtë nuk i janë përgjigjur por kanë vijuar rrugën duke i përplasur makinën efektivëve dhe janë larguar. Kjo ka bërë që policia t'u vihet në ndjekje duke i kapur pak minuta më vonë, çka solli dhe arrestimin e dy prej tyre dhe shpalli në kërkim një tjetër.

Të rinjtë posedonin me vete 340 gram kanabis, që u sekuestrua nga policia, ndërsa materialet i kaluan prokurorisë së Beratit, për veprime të mëtejshme procedurale.

I.K./Shqiptarja.com
  • Sondazhi i ditës:

    Rama lë Vlorën pas 8 vitesh dhe zgjedh të jetë deputet i Durrësit, a ka bërë kryeministri zgjedhjen e duhur?

Komento


×

Lajmi i fundit

John

Euro 2020/ Belgjika nuk di të tolerojë! Danimarka kualifikohet në frymën e fundit, shkatërron Rusinë! Në 1/8 edhe Zvicra