Berisha: Pengkryetari anëtar i organizatës kriminale nga belgët për 'Toyota Yaris'! ‘11 dhjetori’ zhvillohet në ‘Air Albania’...(stadiumin që e cilësonte si folenë e klanit mafioz të Ramës)

Zëdhënësja e 'Foltores' së Berishës, Floriana Garo, i është përgjigjur deklaratës së kryedemokratit Lulzim Basha i cili reagoi pas akuzave të Berishës se ai është shpallur si anëtar i organizatës kriminale nga autoritetet belge për çështjen ‘Toyota Yaris’. Garo shprehen se i vetmi hall i shqiptarëve dhe demokratëve janë dështimet dhe pazaret e Bashës me Ramën.

“Halli i i vërtetë i demokratëve dhe i shqiptarëve janë dështimet dhe humbjet e një pas njëshme të peng kryetarit që i dhuruan mandatin e tretë regjimit më të korruptuar të Europës. Halli i vërtetë i demokratëve është shpërdorimi dhe tradhëtia ndaj sakfrificave të tyre për pazaret e kryetarit! Për dosjet dhe pazaret e Bashës ka 8 vjet që demokratët kalojnë nga humbja në humbje! Kuvendi Kombëtar i datës 11 Dhjetor i mbledhur me vullnetin e mbi 5 mijë delegatëve do të shënojë fundin e pazareve Rama-Basha dhe rikthimin e Partisë Demokratike në misionin e saj të shenjtë për rrëzimin e regjimit të Edi Ramës. Partia Demokratike do ta realizoje këtë mision në aleancë me gjithë demokratet dhe qytetarët që kerkojnë shpëtimin e Shqipërise përmes një PD më të fortë, më të hapur dhe më të bashkuar! Të gjithë bashkë në 11 Dhjetor për të nisur rrugën drejt FITORES!”-thuhet në deklaratën e Garos.

Lulzim Basha ka reaguar pas deklaratave të Sali Berishës, i cili tha se ai akuzohet nga prokuroria belge si anëtar i organizatës kriminale për 'Toyota Yaris'. Basha tha se këto trillime nuk fshehin dot të vërtetën e Berishës dhe se dosjes së tij 'non grata' nga SHBA.

"Trillimet e shpifjet nuk e zgjidhin dot hallin e Sali Berishës. Ka vetëm një dosje, ka vetëm një çështje dhe ajo është çështja NON GRATA nga SHBA. Është kjo çështje që e detyron Sali Berishën të bjerë kaq poshtë me shpresën se do ta shndërrojë PD-në në mburojë të interesave personale. Nuk ka gjë më të ulët se të përdorësh demokratët dhe ndjeshmëritë e tyre si mish për top për hallin tënd personal", shkuan Basha'

Një qytetar i pranishëm në 'Foltoren' e Berishës në Devoll, tha se Luli (Lulzim Basha) nuk e di si është themeluar PD-ja, me gjak e sakrifica. Ai iu drejtua Berishës duke i thënë se nga e gjeti këtë Bashën Sakaq, ai deklaroi se Basha do hajë kokën e tij.

"E more të vockël, e rrite doktor, ai kërkon të të hajë ty edhe neve, gjë që s'ndodh kurrë o doktor, ai do hajë kokën e tij o doktor. Ti je kockë e fortë"-tha ai.

Ish-kryeministri Sali Berisha foli nga ‘Foltorja’ e Devollit për Kuvendin e 11 Dhjetorit. Berisha u shpreh se për 7600 delegatët e PD do të ishte stadiumi 'Air Albania' për t'u mbledhur, por kjo varet nga kushtet atmosferike. Berisha tha se pas miratimit të ndryshimeve statutore do të përcaktohet dita kur do të zhvillohet protesta e madhe kombëtare.

"Në datën 11 demokratët do të jenë në këmbë më të fuqishëm se kurrë. Do të përcaktojmë pas saj ditën e madhe të protestës kombëtare në të cilën do të shpallim kërkesat tona deri në fitoren e plotë. Në 11 dhjetor ne së bashku do të votojmë një statut në të cilën kemi qëllimin madhor rikthimin e lirisë së munguar, votën e lirë, poshtetin tuaj në PD. Lulzim Basha shkatërroi strukturat e kësaj partie. Ku do të mblidhemi ne 7600 veta? I vetmi vend ku mund të mblidhemi për të treguar se jemi seriozë me numrin e të gjitha, është stadiumi 'Air Albania', por për motin nuk e dimë", tha Berisha.

Vendi që Berisha ka zgjedhur për 11 dhjetorin "Air Albania" në fakt është sulmuar po nga ai vetë dy vite më parë duke e cilësuar si “folenë e klanit mafioz të Ramës”.

Postimi i Berishës në 2019

Ish-kryeministri Berisha deklaroi nga ‘Foltorja’ e Devollit se makinera propagandistike e qeverisë është vërsulur në mbrojtje të kreut të meduzës. Berisha theksoi se një grup i ka shitur shpirtin djallit dhe vjellin vrer gjithë javës, ndërsa shtoi se të premteve shkojnë në xhami për të falur mëkatet, por prap dalin mëkatarë.

“E gjithë makineria propagandistike e qeverisë është vërsulur në mbrojtje të kreut të meduzës. Analistët, me në krye Baton Stanishiqin, është një grup tjetër i vogël të cilët ja kanë shitur shpirtin djallit, xhepit të tyre, vjellin vrer gjjithë javës. Shkojnë të premten në xhami për të larë mëkatet, në fakt hyjnë dhe dalin mëkatarë, ja lëmë zotit punën e tyre. S'merremi me ta. Nga studioja në studio. Janë grahmat e fundit të Edi Ramës dhe peng Bashës për të shuar pluralizmin."-deklaroi Berisha.

Berisha deklaroi nga 'Foltorja' e Devollit se Kryesia e PD është në shkelje flagrante të parimeve ndërsa theksoi se 60 për qind e tyre janë të emëruar nga kryetari.

"Kryesia e PD në shkelje flagrante të parimeve të saj. 60 për qind është e emëruar nga kryetari. De fakto ajo është e paligjshme në parim, por e paligjshme dhe me statut sepse statuti kërkon se anëtari i kryesisë të votohet nga Këshilli Kombëtar me dy kandidatura dhe votë të fshehtë. Kryetari votoi 15 veta me kandidatura. 20 e disa të tjerë nuk i votoi fare. PD përjashtoi votën. Akti ynë i parë madhor do jetë rikthimi i votës. Do vendosim primaret dhe primaret janë një vlerë e madhe. Qëndrimet e Bashës janë antieuropiane dhe antiamerikane. Përjashtimi i votës është antieuropian dhe antiamerikan. Do rikthejmë votën ta bëjmë shtëpinë tonë, në shtëpinë e vërtetë të lirisë."-tha Berisha.