Berisha nis fushatën për kreun e PD-së në Elbasan! Reagon ndaj Kim: Po bën fushatë elektorale kundër meje, mos të ndërhyrjë në politikën e brendshme

Berisha nis fushatën për kreun e PD-së në Elbasan! Reagon ndaj Kim: Po bën fushatë elektorale kundër meje, mos të ndërhyrjë në politikën e brendshme

Sali Berisha

Sali Berisha ka nisur fushatën për garën për kreun e Partisë Demokratike, ku përballë ka Ibsen Elezin. Berisha po zhvillon një tur takimesh dhe fushatën e ka nisur nga qyteti i Elbasanit. Por hapja e fushtës ka nisur me incident, pasi një i pranishëm mesa duket i dehur, ka nisur të bërtasë, dhe disa persona të tjerë kanë tentuar ta largojnë. Megjithatë Berisha e priti me sportivitet, ndërsa i dehuri bërtiste ‘Jam Besnik i Sali Berishës’.

Ish-kreyministri Berisha nuk ka lënë pa komentuar edhe deklaratën e amabsadores amerikane Yuri Kim, e cila tha se senjë vendim i ‘non grata’ nuk është ndryshuar’.

“Fushatë elektorale kundër Berishës në prag të garës së tij për kryetar të PD. Kaq ashtë komenti im. I bëj thirrje qeverisë së SHBA dhe Biden mos të lejoje përfaqësues të tij që të ndërhyjnë në punë të brendshme të PD dhe përpjekje të paimagjinueshme për të caktuar kryetarin e opozitës shqiptare, partisë konservatore shqiptare. Kaq kisha!”

Rendit zhvillimet sipas orarit:
Ora 20:13
Berisha: Basha më tha se Shqipëria dhe PD do kenë pasoja nga shpallja ime "non grata"! Unë i thashë punë e madhe, për mua dhe fëmijët e mi përçmimi është më i rëndë

 

Gjatë një takimi sot në Elbasan, Sali Berisha tregoi një episod me ish-kreun e PD Lulzim Basha, pas shpalljes së tij non grata nga SHBA. Berisha u shpreh se Basha i ka thënë se fëmijët e tij, PD dhe Shqipëria do të kenë pasoja nga kjo gjë.  Ai tha se fëmijët dhe vendi i tij më të keqen kanë përçmimin dhe këtë gjë nuk mund ta pranojë kurrë.

“E ka shpjeguar Lulzim Basha njëherë këtë gjë. Në një bisedë me të më tha se i kanë thënë se fëmijët e tij do kenë këto e këto pasoja.  Pastaj, i them unë? Pastaj nëse nuk të përjashtoj PD do të ketë këto e këto pasoja. Pastaj? Edhe Shqipëria do të ketë. 

Unë i them që të gjitha këto le të bëhen, se fëmijët e mi dhe vendi im më të keqen kanë përçmimin. Dhe atë nuk mund ta pranoj kurrë. Një anti shqiptar si Soros i faktuar me të gjitha projektet e tij për ndarje dhe çarje të Kosovës. Për ideologjinë e tij që nuk pajtohet me vlerat dhe interesat e pa që kishte pengesë në këtë rrugë. 

Shfrytëzoi Edi Ramën duke bërë raporte mbi të cilat firmos sekretari i shtetit. Unë jam njeri pa.. nuk njoh asgjë para interesit tim kombëtar. Ai nuk ka arsye të jetë anti shqiptar. Por George Soros po. Edi Rama po”, u shpreh Berisha.

Ora 17:50
Nis me një incident fushata e Berishës në Elbasan, i dehuri i ndërpret fjalënv (VIDEO)

Hapja e fushatës së Sali Berishës në Elbasan për kreun e PD-së, ka nisur me incident, pasi një i pranishëm mesa duket i dehur, ka nisur të bërtasë, dhe disa persona të tjerë kanë tentuar ta largojnë. Megjithatë Berisha e priti me sportivitet, ndërsa i dehuri bërtiste ‘Jam Besnik i Sali Berishës’.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Policia plan masash kundër kultivimit të kanabisit, kontrolle në gjithë territorin! Nga maji, Guardia di Finanza me monitorim nga ajri

Policia plan masash kundër kultivimit të kanabisit, kontrolle në gjithë territorin! Nga maji, Guardia di Finanza me monitorim nga ajri