Berisha si kësulëkuqja!

Berisha si kësulëkuqja!

Sali Berisha

Pavarësisht pompës së madhe që po përpiqen t’i japin datës 7 korrik si ditë e demonstrimit të madh anti-Rama, e gjitha është në kuadër të vërtetimit të tezës se tashmë PD është e Berishës.

Ashtu si të gjitha aksionet e mëparshme edhe ky miting është pjesë e operacionit mediatik për të treguar që tashmë PD është e Berishës. I tillë ishte kongresi i dhjetorit, zgjedhjet në PD, gjyqi i Gon Zhukrit, votimet e marsit ku nuk u morr vesh sa ishin vota të PD, sa të LSI dhe sa të PS. I tillë është edhe mitingu i 7 korrikut.

Ky miting përkon edhe me muajin e daljes së Metës nga presidenca.

Por koalicioni, realisht nuk kërkon të tregojë forcën kundër Ramës. Ky i fundit në terma elektoral, nuk i trembet fare opozitës. Në këtë moment një ballafaqim elektoral do ta nxirrte opozitën me këpucë të kuqe dhe këtë e dinë shumë mirë edhe dy krerët e saj.

I vetmi qëllim i këtij mitingu është për t’i nxjerrë frikën vetes dhe mobilizuar militantët. Sikurse kësulëkuqja këndonte nga frika e ujkut në pyll, edhe Berisha&Meta thërrasin mitingun për të parë që nuk janë vetëm. Vetëm se ujku i tyre nuk ka ndërmend t’i hajë. Të paktën jo këtë vit.

Nga viti që vjen, në lokalet e radhës do të shikohet sesa është pesha reale e tyre, pasi secili do të luftojë për votat e tij, sikurse makina elektorale e PS do të ndezë motorët për të bërë një luftë serioze me dy kundërshtarë që i ka dërmuar pesë herë rresht. Ku i dihet! Derisa ka ndodhur që bëhesh nuse dy here, edhe Berisha me Metën kanë shpresë të bëhen nuse për herën e gjashtë.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Dasmë në Big Brother, Heidi dhe Romeo do të martohen

Dasmë në Big Brother, Heidi dhe Romeo do të martohen