Betimi i anëtarit të 5-të të Gjykatës Kushtetuese, Soreca: Funksionaliteti brenda mundësive, KED të finalizojë pa vonesa listat për Presidentin

Betimi i Altin Binaj si anëtari i 5-të i Gjykatës Kushtetuese është përshëndetur edhe nga Ambasadori i BE, Luigi Soreca.

Soreca shkruan se bërja funksionale Gjykatës Kushtetuese deri në fund të vitit, është më se e mundur, ndërsa i bën thirrje KED të finalizojë pa vonesa listat për Presidentin për të zgjedhur anëtarët e 6-të që do të vërë në punë 'Kushtetuesen'. Soreca thekson se funksionaliteti i 'Kushtetueses'  është kusht për fillimin e tryezës së parë ndërqeveritare mes Shqipërisë e BE për integrimin.

"Sot Altin Binaj është betuar nga Presidenti Ilir Meta, anëtari i 5-të i Gjykatës Kushtetuese. Ne e përgëzojmë dhe i urojmë punë të mbarë. Funksionaliteti i plotë i Gjykatës tani është brenda mundësive, falë përpjekjeve të kombinuara të të gjitha institucioneve. Tani i takon KED-së të finalizojë pa vonesë listat për Anëtarët e tjerë që do të emërohen nga Presidenti. Funksionaliteti i plotë i Gjykatës është një hap kryesor për të kompletuar listën e kushteve të nevojshme për fillimin e tryezës së parë ndërqeveritare për bisedimet e pranimit midis BE", shkruan Soreca.

Lajmi kryesor:

Betohet Altin Binaj, anëtari i 5 i Gjykatës Kushtetuese! KED i çon nesër Presidentit emrat për vakancën e 6!Kim dhe Soreca njëzëri: Bërja funksionale deri në fund të vitit, brenda mundësive

/b.ha./Shqiptarja.com

TAG:
• gjykata kushtetuese
• KED
• Presidenca
• Kuvendi i Shqiperise
• Altin Binaj
• Aleksandër Toma
• Përparim Kalo