Biden ‘përmbys’ politikat e Trump, shfuqizon ndalimin e një pjese të mirë të kërkesave për ‘kartë të gjelbër’

SHBA- Presidenti i SHBA-së Joe Biden ditën e djeshme anuloi një urdhër që paraardhësi i tij, Donald Trump kishte vënë në fuqi, duke bllokuar aplikantët e “kartës jeshile” për shkak të pandemisë me argumentin se po cënoheshin interesat e amerikanëve dhe po dëmtohej ekonomia vendase.

Por Joe Biden e shfuqizoi duke thënë se ky vendim po pengon familjet të bashkohen në SHBA si dhe po dëmton bizneset amerikane.

Biden shtoi se politika e mëparshme ka ndaluar emigrantët e kualifikuar të hyjnë në vend, duke sjellë si rezultat humbjen e shumë mundësive dhe ndërprerjen e ëndrrës amerikane.

Ky ndryshim i ri do të thotë që qindra mijëra të huaj të cilët do të prisnin deri në fund të marsit për një shans aplikimi për vizat e lakmuara, mund ta bëjnë këtë menjëherë.

Presidenti megjithëse rikthehu mundësinë për “kartën e gjelbër”, vendimin në lidhje me ndalimin e punëtorëve të huaj të përkohshme e mbajti në fuqi.

Curtis Morrison, një avokat imigracioni në Kaliforni, i cili përfaqëson personat e prekur nga ndalimi tha se Biden tani do të duhet të trajtojë çështjen e një numri të madh kërkesash që janë zvarritur prej muajsh ndërsa pandemia ndërpreu pjesën më të madhe të procedurave nga Departamenti i Shtetit. Procesi mund të zgjasë me vite, tha ai.

Që nga momenti i marrjes së detyrës si presidenti i SHBA-së, Biden ka përmbysur disa nga politikat anti-emigrim të Trump, duke përfshirë atë të ashtuquajturën “ndalimin mysliman” dhe një politikë që ka detyruar azilkërkuesit të qëndrojnë në Meksikë derisa kërkesa e tyre për azil të aprovohet në SHBA.

J.GJ./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ish-ministri i Shëndetësisë, Ilir Beqaj paraqitet në SPAK

Ish-ministri i Shëndetësisë, Ilir Beqaj paraqitet në SPAK