Bilbil Mete dha dorëheqjen nga drejtësia, por Vetingu e thërret në seancë dëgjimore! Prokurori nën verifikim prej dy vitesh

Bilbil Mete dha dorëheqjen nga drejtësia, por Vetingu e thërret në seancë dëgjimore! Prokurori nën verifikim prej dy vitesh

Këshilli i Lartë i Prokurorisë

Në 25 shtator 2020, Këshilli i Lartë i Prokurorisë protokolloi një kërkesë të Bilbil Metes, prokuror në Prokurorinë e Përgjithshme, për t’u larguar nga drejtësia. Njëzetë ditë  më pas, në 15 tetor 2020, Këshilli i Lartë i Prokurorisë vendosi pranimin e dorëheqjes së prokurorit dhe deklarimin e statusit të magjistratit. Sipas këtij vendimi, dorëheqja do të hynte në fuqi në 31 tetor 2020. Për këtë vendim, Këshilli ka njoftuar dhe Komisionin e Pavarur të Kualifikimit, organi bazë i Vetingut, meqenëse Mete ishte në proces verifikimi që në muajin nëntor të vitit 2018, pra mbi dy vite.

Megjithatë, pavarësisht dorëheqjes nga drejtësia, Komisioni i Vetingut ka planifikuar një seancë dëgjimore me Bilbil Meten, me qëllim për ta njohur me rezultatet e verifikimit dyvjeçar për ligjshmërinë e pasurive, pastërtinë e figurës dhe aftësitë profesionale. Sipas njoftimit të KPK, seanca dëgjimore do të mbahet mesditën e datës 2 dhjetor 2020, ndërsa trupa gjykuese përbëhet nga Lulzim Hamitaj, Pamela Qirko dhe Valbona Sanxhaktari. Mbetet për t’u parë nëse planifikimi i seancës dëgjimore është një keqkuptim i KPK apo pas seancës fshihen rrethana të tjera.

Mete e kërkonte dorëheqjen nga detyra me motivacionin se mbushte moshën e pensionin. Por, gjatë mbledhjes së KLP-së, anëtarët theksuan se me ligjin e ri mosha e dalje në pension të prokurorit është 67 vjeç dhe jo 65 vjeç. Në këto kushte, KLP e miratoi dorëheqjen e prokurorit jo për shkak të moshës së pensionit, por bazuar në vullnetin e tij të lirë për t’u larguar nga drejtësia. Ndërkaq, Mete është edhe anëtar zëvendësues në Këshillin e Emërimeve në Drejtësi. Meta zëvendëson zonjën Arta Marku.

 Vendimi i KLP për largimin e Bilbil Metes nga drejtësia

Njoftimi i KPK për zhvillimin e seancës dëgjimore për Bilbil Meten

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

'Dhimbje koke' për trajnerët, UEFA gati t'i vijë në ndihmë Sylvinhos për Europianin 2024

'Dhimbje koke' për trajnerët, UEFA gati t'i vijë në ndihmë Sylvinhos për Europianin 2024