Bledi Çuçi në fabrikën e dronëve inteligjentë në Turqi: Me përdorimin e tyre rrisim kontrollin mbi territorin

Bledi Çuçi në fabrikën e dronëve inteligjentë në Turqi: Me përdorimin e tyre rrisim kontrollin mbi territorin

Vizita ne fabrikën në Turqi

Nga Turqia ku ishte i pranishëm në një vizitë një fabrikën “Bykar Defense”, e specializuar në prodhimin e dronëve të teknologjisë së lartë, ministri i Brendshëm, Bledi Çuçi, tha se me shfrytëzimin e këtyre dronëve në vendin tonë do të rritet kontrolli mbi territorin.

"Në Turqi gjatë vizitës te kompania “Bykar Defense”, e specializuar në prodhimin e dronëve të teknologjisë së lartë. Po vlerësojmë mundësinë e përdorimit të këtyre pajisjeve edhe në Shqipëri për qëllime civile e urbane të kontrollit dhe mbrojtjes së territorit. Shfrytëzimi i këtyre dronëve në vendin tonë do të rrisë cilësisht efektivitetin e punës së Policisë së Shtetit dhe strukturave të tjera në drejtim të kontrollit të territorit, për të parandaluar në këtë mënyrë fenomenet e paligjshme kudo ku ato hasen. Shqipëria dhe Turqia kanë një bashkëpunim të ngushtë që mbështetet në faktorë historikë dhe në fusha të interesit të përbashkët si ajo e sigurisë, migracionit të paligjshëm dhe luftës kundër terrorizmit dhe kundër trafikut të narkotikëve", ka shkruar ministri Çuçi.

Çuçi ishte në këtë vizitë, bashkë me drejtorin e përgjithshëm të Policisë së Shtetit, Ardi Veliu. Ministri u njoh me funksionimin e këtyre pajisjeve inteligjente, për të parë mundësinë e përdorimit të tyre edhe në Shqipëri për qëllime civile e urbane të kontrollit e mbrojtjes së territorit.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Disiplina mbush me gjoba Kategorinë e Parë

Disiplina mbush me gjoba Kategorinë e Parë