Blinken godet rëndë presidentin e republikës Srpska në Bosnjë Hercegovinë: Është në rrugën e autoritarizmit, si Vladimir Putin

Një tjetër goditje ka ardhur nga Shtetet e Bashkuara të Amerikës, kundrejt presidentit të republikës Srpska në Bosnjë Hercegovinë, Milorad Dodik i cili është edhe në listën e personave të sanksionuar nga SHBA.

Nëpërmjet një postimi në tëitter, sekretari amerikan i Shtetit, Anthony Blinken tha se Dodik po ecën drejt rrugës së Putinit me shkeljen e të drejtave dhe lirive themelore në republikën ku ai është president.

Sekretari Amerikan i Shtetit, Antony Blinken, e ka goditur presidentin e Republikës Srpska, Millorad Dodik, duke thënë se ai është në rrugën e Putinit.

“Sulmet e Milorad Dodik ndaj të drejtave dhe lirive themelore në Republika Srpska tregojnë se ai është në rrugën autoritare të Presidentit Putin. Departamenti i Shtetit, përfaqësuar nga Ambasadori Murphy, vazhdon të avokojë për të ardhmen demokratike dhe të begatë që e meritojnë të gjithë qytetarët e Bosnjës dhe Hercegovinës”, shkroi Sekretari Blinken.

Retorika gjeopolitike e përdorur nga Dodik i cili gjatë qeverisjes së tij ka kërkuar vazhdimisht shkëputjen e republikës Srpska nga Bosnja Hercegovina ka ngritur shumë tensionet etnike në këtë shtet. Së fundi, një çift i të moshuarve boshnjakë ishin rrahur brutalisht nga huliganë serbë në shtëpinë tyre. 

B.V/Shqiptarja.com

TAG:
• Bosnje Hercegovina
• Milorad Dodik
• Anthony Blinken