Pamela Radovani, përgjegjëse për informimin publik në AKU, ka folur për rastin e bllokimit të 6.83 ton produkte ushqimore për fëmijë të skaduara , që hidheshin në treg nga dy shtetas jordanez, të cilët u lanë të lirë nga gjykata me një vendim skandaloz.
Radovani tha në Report Tv se rasti ishte delikat pasi produktet ishin për fëmijë dhe për më tepër sasia e bllokuar ishte e konsiderueshme. Megjithatë ajo qetësoi qytetarët se ekipet e AKU-së janë gjatë gjithë kohës në terren pikërisht për të garantuar sigurinë ushqimore dhe këto grupe janë shtuar edhe më shumë për sezonin turistik në mënyrë që të mos ketë problematika. Ajo i bëri thirrje qytetarëve që të denoncojnë çdo rast, pasi çdo ankesë e tyre ndiqet me prioritet.
"Rasti ishte një abuzim i pastër me sigurinë ushqimore, ishte një aksion i rëndësishëm i bërë në bashkëpunim me disa institucione. Ky subjekt grumbullonte ushqime të skaduara dhe përdorte lëndë kimike për t'i fshirë datën dhe më pas u vendoste datë të re duke i shtyrë skadencën për 2 vite. Rasti ishte delikat pasi produktet e skaduara ishin për fëmijë dhe sasia ishte e konsiderueshme. Ekipet e AKU-së janë gjatë gjithë kohës në terren dhe aktualisht për sezonin turistik punojmë më forca të shtuara sidomos në zonat bregdetare. Të gjitha denoncimet merren me prioritet", tha Radovani.
Specialistja e AKU-së tha se abuzimet më të mëdha ndodhin me etiketën, që fshihet dhe më pas vendoset një e re duke i zgjatur jetën produktit. Ndërsa denoncimet më të shpeshta nga qytetarët janë për kushtet higjieno-sanitare ku tregtohen produktet.
"Mashtrimi ushqimor është shumë kompleks në vetvete. Ne kemi një strukturë të posaçme që të trajtojë këtë çështje por një nga element më kyç të mashtrimit është etiketa e produktit se është më e thjeshtë për t'u kompromentuar ndërkohë që ka një kornizë ligjore se si duhet të jetë etiketa. Ky mashtrim me etiketat kuptohet nga ekspertët, megjithatë etiketat që fshihen lehtësisht duhet të denoncohen. Denoncimet më të shpeshta nga qytetarët janë për kushtet higjieno-sanitare në të cilat shiten produktet', tha Radovani.
Lajme të tjera
-
Tentoi të korruptonte drejtorin e AKU-së në Tiranë, arrestohet pronari i një baxhoje në Durrës
22 Shkurt, 13:24 -
AKU kontrolle në Durrës, Korçë e Fier, 300 mijë lekë gjobë për 3 biznese
28 Dhjetor 2023, 10:44 -
AKU kontrolle në Fier, marketi me ushqime të skaduara! Shkelje edhe një subjekt në Korçë
26 Dhjetor 2023, 10:10 -
AKU masa ndëshkuese për ushqim të pasigurt, bllokohet qumësht dhe nënprodukte të tij në Kukës, Elbasan dhe Durrës
19 Dhjetor 2023, 10:57 -
Kastravecat me pesticide në Lushnjë, Gjermania kthen 24 tonë! AKU: Do asgjësohen
24 Nëntor 2023, 17:28 -
Ishin me miza! AKU bllokon dhjetëra pako me miell dhe oriz në Durrës
9 Nëntor 2023, 20:28 -
Nuk zbatoi vendimin për ndërprerjen e aktivitetit, AKU bllokon subjektin në Kamëz, e gjobit me 1 milionë lekë
8 Nëntor 2023, 12:15 -
Jep dorëheqjen drejtoresha e Autoritetit Kombëtar të Ushqimit, Jeta Deda
27 Tetor 2023, 21:57 -
Shiste produkte ushqimore të skaduara afër një shkolle në Tiranë! Vihet nën hetim 60-vjeçarja
6 Tetor 2023, 11:40 -
Ministrja e Bujqësisë në Pogradec: Taskforca e AKU-së në terren për sigurinë ushqimore, agjesohen 4 ton ushqime në një supermarket që kishte fshirë etiketat
30 Korrik 2023, 16:09 -
Ndryshonte stampat e datave të skadencës të produkteve ushqimore në marketin e tij, arrestohet 50-vjeçari në Korçë (EMRI)
1 Korrik 2023, 11:22 -
Siguria ushqimore, drejtoresha e AKU-së: Duam t’i hapim rrugë eksportit të qumështit në BE, këtë sezon kemi në fokus produktet me origjinë shtazore
9 Qershor 2023, 13:52
