Bojkotimi i masave të sigurisë nga avokatët, Alibeaj: Mund të ndodhë që të pandehurit të dalin nga burgu, ky është alarm për KLP-në

Në komisionin për Çështjet Ligjore, Administratën Publike dhe të Drejtat e Njeriut, deputeti Enkelejd Alibeaj, u ndal tek bojkoti i avokatëve për masatë  sigurisë, në shenjë protestë për hartën e re gjyqësore.

‘Çështjet e bojkotimit të masave të sigurisë, mund të ndodhë që të pandehurit të dalin nga burgu për këtë shkak duhet të jetë një alarm i madh për KLP-në. KLP nuk e ka vënë ujin në zjarr aspak, ndërkohë që mund të shpërthejë një situatë e pakëndshme për askënd. Në një pjesë të dhomave të avokatisë në rrethe një pjesë të avokatëve nuk po marrin pjesë. Kjo është t’i japësh një derë të madhe. Është ulëritëse që KLP, ai më shume se KLGJ të jetë prezent në këtë proces.

Kryetarja e Komisioni, Klotilda Bushka tha se harta gjyqësore është një çështje teknike, dhe çdokush ka të drejtën të reagojë, por është një proces që ecën në saj të disa standardeve të miratuara.

‘Harta gjyqësore është një çështje teknike, e organeve të drejtësisë. Gjithkush ka të drejtën e vet të reagojë, në do bëjmë një dëgjesë të kuptojmë palët, por është një proces që ecën në sajë të disa standardeve të miratuara. Ato kritere zbatohet. Janë organet kompetente që e zbatojmë.’- tha Bushka.

M.Q./Shqiptarja.com

TAG:
• KLP
• enkelejd alibeaj
• Klotilda Bushka