Më shumë se 100 ditë jeton poshtë urës në Lezhë, 66-vjeçari ish i burgosur politik i braktisur: Nuk kam marrë kompesim për burgun, jam i sëmurë

Mes mbeturinash, poshtë urës së Drinit jeton ish-i dënuari politik, Ndue Murçaj nga fshati Gryk-Lumi i Lezhës.

I braktisur nga familjarët por dhe shoqëria, 66-vjeçari vuan nga disa sëmundje.

"Kam 3 muaj e gjysmë që jetoj nën urë. I lodhur jam, me fjet s’kam, kurrgjë. Një batanijë m’a kanë falë njerëzit për sevap. Çfarë më falin ndonjë copë bukë që ma falin njerëzit aty, dal e lypi prej hallit” – tha ai.

Ndue Murcaj nuk ka përfituar dëmshpërblim për vitet e burgut edhe pse mban statusin “i burgosur politik”, lëshuar nga Instituti i Ish-të Përndjekurve Politike. 

”Kërkoj ndihmë prej shtetit me më dhanë ato paret e burgut që më takojnë. Është e vështirë jetesa ime, duke vdekur jam se dhe i sëmur jam. Ja i kam dhe duart e ënjtura prej operacionit”- vijoi ai.

Në dokumentin zyrtar të Ministrisë së Drejtësisë thuhet se Murçaj është arrestuar në 1977 dhe dënuar në ’78 nga Gjykata e Shkodrës me 25 vite burgim për tre akuza “terror mbetur në tentativë” “strehim diversantësh” dhe “vrasje e mbetur në tentativë”.  Ai ka kryer 14 vite burgim dhe është liruar në vitin 1991. 

Kontaktuar nga Report TV zyrtarë të Institutit të ish-të Përndjekurve Politikë thanë se “çdo person i dënuar në komunizëm për terror është përjashtuar nga Ligji i Dëmshpërblimit pavarësisht se mban statusin “I burgosur politik”. 

Ndue Murçaj tregon se nuk ka asnjë të ardhur!

Edhe pse ka mbushur moshën, nuk ka përfituar as pensionin e pleqërisë.

“Dua me më dhanë pensionin se kam 6 muaj që kam dalë në pension dhe nuk më kanë dhënë asnjë lek se nuk kam asnjë të ardhur.’-vijoi ai.

Pas sinjalizimit nga mediat Shërbimi Social në Bashkinë Lezhë është vënë menjëherë në lëvizje, por pa arritur ende që të gjeje zgjidhje.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • RROFTE SHQIPERIA: 01/02/2023 08:57

    i ziu ti, i besuat nje komunisti 28 vjecar ne krye te PD-se dhe ja cfare ndodh...mos flasim per qeverite hajdute dhe plerat qe na kane qeveris per 32 vite.

    Përgjigju
  • Iris: 01/02/2023 00:26

    Ne U.S.ka plot veterane qe kane sakrifikuar per vendin dhe prape kane perfunduar si ky fatkeqi poshte urave e rrugeve te pastrehe, se dhe ky zoteria ka sakrifikuar jeten ne burg.Fatet dhe sakrificat ngjajne kudo.Do te isha kurioze te dija se cfare nenkuptonte aktakuza e ketij nga Sigurimi per terrorizem.Cfare terrori ka bere qe sot org.e ish te burgosurve e ka perjashtuar nga demshperblimi,se mua nuk me duket bindese po t'i matesh gjerat me kutin e atehereshem,aq me teper kur ka patur raste qe organizata e te perndjekurve ka ndihmuar njerez qe nuk kane qene kurre te persekutuar te fitonin te drejten e studimit bazuar ne keto korniza?

    Përgjigju
  • Arben Kaca: 31/01/2023 15:32

    Gjynah per kete person, Turp per shtet in tone edhe neve si shoqeri dhe nje turp te madh per media qe merren me BB e budalleqe te tilla ne vend qe te merren me lajme te tilla

    Përgjigju
  • Ca bohet: 31/01/2023 14:03

    Normal qe nuk do maresh lek, nuk je ish sigurims.y

    Përgjigju
  • Minoriteti: 31/01/2023 13:19

    Vazhdoni te votoni avokatin tuaj Sali Berisha! Komunisti i pa ndreçur ju mashtroj jua dha parate tuaja komunistave,qe ne Demokraci dolen te presekutuar!juve ju dha 2 kiste dhe jua futi gishtin mbrapa! Rama ju dha 5 kiste dhe ju jeni mos mirnjohes ndaj ti.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet