Bubq/ 'Më fal shoku Erion...' Rama hyn brenda shkollës gati të shembur, Braçe 'alarmohet' dhe e thërret: Hajde, hajde, është e ndaluar

Kryeministri Rama së bashku me zv.Kryeministrin, Erion Braçe në kuadër të takimeve me banorët në zonat më të prekura nga tërmeti vdekjeprurës i së martës, kanë shkuar edhe në fshatin e Bubqit. Në këtë fshat pasojat e tërmetit janë të dukshme fare qartë, pasi 234 shtëpi janë shkatërruar nga lëkundjet. Fatkeqësisht 1137 banorëve pas tërmetit kanë mbetur pa strehë, disa nga frika e disa për shkak se banesa e tyre është bërë e pabanueshme.

Ndërkohë që edhe shkolla e këtij fshati ka dalë jashtë funksionit këtë e ka konfirmuar edhe Erion Braçe i cili thotë se pas inspektimit të punonjësve të ministrisë kjo shkollë u shpall jashtë kushteve për mësimdhënie për shkak se ka dëme të mëdha në strukturë.

Në bisedë e sipër teksa vëzhgonte shkollën në fjalë, kryeministri Rama në një moment është futur brenda shkollës edhe pse kjo është e palejueshme. Në këtë moment një zë gruaje njofton se është e palejueshme që të hyhet brenda për shkak të riskut që sjellë kjo shkollë e dëmtuar. Ramës i drejtohet edhe Braçe i cili e thërret të dalë jashtë. Kryeministri pasi e dëgjon i kthehet me batutë duke i kërkuar ndjesë.

Dëgjohet një zë: O Erjon nuk lejohet të hyjë...

Braçe: Kryeministër, Kryeministër, është e ndaluar me u fut brenda, hajde, hajde, është e ndaluar.

Rama: Ndjesë, më fal shoku Erion.


Lajmi kryesor:

DËMET-SHIFRAT/ 701 objekte të inspektuara në qarkun e Durrësit, 267 të pabanueshme...mbeten dhe 7 objekte për t'u shembur


E.L./E.D./Shqiptarja.com
  • Sondazhi i ditës:

    A e zgjidh situatën pas tërmetit një Ministri për Rindërtimin?