Kryetari i Lëvizjes për Zhvillim Kombëtar, Dashamir Shehi, është shprehur sot (20 nëntor) se duhet të krijohet një shportë prej 300 milionë eurosh, për rritjen e pensioneve në Shqipëri.
Ai foli në Komisionin e Ekonomisë dhe Financave në Kuvend ku diskutohej nen për nen Buxheti 2025 i kaluar në Parlament ditën e djeshme (19 nëntor), ku tregoi edhe strategjinë se ku do të gjenden këto para.
Shehi tha se propozimi i tij “është e vetmja mënyrë” për nxjerrjen e pensionistëve nga varfëria me të cilën po përballen në ditët e sotme.
“Që të arrijmë një të mesme, një mesatare, mund të jetë 250 mijë lekë, më pak ose më shumë. Skema mirë apo keq nuk është se nuk ka funksionuar. A mund të rregullohet skema? Sigurisht, edhe me ato që keni llogaritur ju sipas viteve apo kontributeve. Por gjithsesi skema nuk është se ka për të zgjidhur gjë, sepse nuk është burim pafund. Ju thoni rritja e moshës së pensionit. Jam dakord, sepse nuk e ka efektin sot, e ka pas 7 vjetësh, ose pas 10 vjetëve. Por kjo është një rezervë dhe nuk zgjidh punë. Pse ka dalë jashtë funksionit skema e pensioneve? Sepse ka ec më shpejtë inflacioni sesa pensioni. Ndërhyrja duhet të jetë drastike dhe radikale, sepse pensionet janë mizerje. Por të mos e prekim llogjikën lineare që ka skema, që është afatgjatë".
Deputeti dhe kryetari i LZHK dha edhe shpjegime ekonomike se si mund të arrihej, duke kujtuar se edhe më herët e kishin cilësuar si “të çmendur” kur propozoi për pagat.
“Thonë ka luajt mendsh. S’kam luajt fare mendsh, edhe ta them unë ku do i marrim. Ndaj them hajde të krijojmë një buxhet më vete, që ai zoti kryeministër i ka vënë këtë emër. Po them 300 mln euro. Po kujt do ia marrim? Investimeve them unë, 160 milionë! Në buxhetin e 2023 nuk u realizuan 160 mln investime, edhe për vitin e kaluar e zëmë po aq. Dmth. Po heq një gjë që nuk përdoret. Se kemi blerë 3 kile patate për një kile supë. Edhe këtë e heqim dhe e fusim këtu. 55 milionë i ka llogaritur qeveria shqiptare vetë, 16 mln indeksimi dhe 35 bonusi fundvitit. Ja ku u bë 225 milionë euro. 85 mln do i marrim në tregun e brendshëm".
Shehi theksoi se kjo rritje nuk ndikon shumë në gjendjen e borxhit të vendit dhe situatës ekonomike.
“Sa rritet borxhi për këto para, e zëmë 100 mln euro, ja 0,7%, madje 0,6%. Po pse ça do bëjmë ne garë, do na japi medalje FMN-ja. Madje 0,4% thotë zotëria, kaq rritet borxhi. E kemi pasur borxhin 90%, e kemi ulur tani, 55-56% thotë qeveria është tani, shyqyr. Do prishet makroekonomia thonë! A e dini sa e ka Eurozona borxhin, Luksemburgu apo Gjermania, Belgjika? Ta them unë, 89% dhe s’i luan qepallat hiç! Dhe investojmë akoma. Shqipëria jonë e vogël do ta ulka, do ta bëka, po pse? Për çfarë? Do i japi kryeministrit ndonjë medalje FMN-ja? E keni gabim, nuk luan fare, as rankimi (renditja)! Kjo kështu bëhet dhe bëhet që ç’ke me të. Ne kemi marrë borxhe për rrugë, që nuk dihet se ku kanë shkuar paret. Pse 100 milionëshi i pensionistëve e prishka?!”, tha Shehi ndër të tjera.
Lajme të tjera
-
Buxheti 2025/ Xhixho e PL: Thellon varfërinë, pjesa më e madhe e parave te punët publike, sepse vidhen më lehtë! Rajoni pensione dyfish nga Shqipëria
22 Nëntor, 16:06 -
Fatos Çoçoli: Rilindja e pensioneve?
21 Nëntor, 18:45
-
Komisioni për Veprimtaritë Prodhuese/ Kërkohen amendime për buxhetin 2025! Agron Duka: Fermerët të subvencionohen për primin
21 Nëntor, 16:09 -
Partia e Lirisë propozon 15 Amendamente për Buxhetin 2025: Rritje e pensioneve me 6,5%, rrogave me 6,2% dhe ndihmës ekonomike me 20%
21 Nëntor, 16:07 -
Buxheti 2025/ PD propozon 28 Amendamente: Minimumi jetik 200 euro, rritje e pensioneve dhe shtim i fondeve te Onkologjiku (E PLOTË)
21 Nëntor, 15:55 -
Komisioni i Shëndetësisë miraton nen për nen Buxhetin 2025, bëhen edhe propozime të reja: Të rritet pagesa e invaliditetit!
20 Nëntor, 16:42 -
PD: Buxheti 2025 i bashkive, nuk mjafton të lajnë borxhet
20 Nëntor, 15:40 -
Pr/buxheti 2025, Zv/ministrja Manjani: Po diskutojmë përshpejtimin e rritjes së moshës së pensioneve
20 Nëntor, 11:30 -
Data e zgjedhjeve 2025/ Presidenti nis takimet me partitë! ‘Të vegjlit’ propozojnë 4 majin! Begaj: Hapi i parë i një procesi që duhet të jetë model
20 Nëntor, 07:24 -
Kuvendi miraton në parim pr/buxhetin e vitit 2025, PS kalon portofolin 8.2 miliardë euro me 75 vota! PD-së i dështon protesta
19 Nëntor, 20:40 -
Fatos Çoçoli: Dy fitoret e para të mëdha për pensionistët
19 Nëntor, 20:05
-
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
