‘Çfarë bëri Turi’ edhe në biologji? Maturantët: Pyetjet ishin me kleçka, jo logjike! Ministrja e Arsimit: Do marrim çdo masë

TIRANË- Në përfundim të provimit të maturës, nxënësit kanë shfaqur kritika për mënyrën se si ishte hartuar teza e biologjisë, së lëndës me zgjedhje. Report Tv mëson se maturantët kanë deklaruar se pyetjet kanë qenë me kleçka dhe jo sipas një vije logjike.

Për këtë ka pasur edhe një reagim nga ana e Ministres së Arsimit, Evis Kushi ku tha se do të merren të gjitha masat e nevojshme, ndërkohë që ka publikuar edhe skemën e vlerësimin me qëllim për t’u vlerësuar me mësues dhe ekspertë të fushës për të vlerësuar cilësinë e testit

“Ministrja e Arsimit dhe Sportit Evis Kushi në një status në rrjete sociale ka theksuar se shqetësimet e maturantëve pas provimit të sotëm të biologjisë po i ndjek me shumë vëmendje, duke i siguruar ata se për çdo rast do të merren masat e nevojshme. Statusi i plotë i Ministres Kushi: Të dashur maturantë,

LEXO EDHE:
Trajnimi i mësuesve për metodat efektive të mësimdhënies nis edhe në Tiranë

I kam marrë të gjitha mesazhet tuaja dhe i kam ndjekur me vëmendje shqetësimet në lidhje me testin e biologjisë.

Më poshtë gjeni linkun me skemën e vlerësimit të zgjidhjeve të publikuar nga QSHA dhe ndërkohë po konsultohemi me mësues dhe ekspertë të fushës për të vlerësuar cilësinë e testit. Për çdo rast, ju sigurojmë që do të marrim të gjitha masat e nevojshme që ju të vlerësoheni sipas meritës dhe nivelit të arritjeve. Suksese”, shkruan Kushi.

Kujtojmë që maturantët e vitit 2020 kanë pasur kritika për mënyrën se si ishte hartuar teza e provimit gjuhë-letërsi me pyetjen e famshme “Ç’a bëri Turi”. Kjo gjë solli protesta që detyroi ministrinë e Arsimit që rë rishikonte shpërndarjen e notave.

B.K./Shqiptarja.com

TAG:
• matura shtetërore
• ministria e arsimit
• Evis Kushi