Cakaj e Konjufca mesazh shqiptarëve në Serbi: Mbështesim Luginën e Bashkuar  

Shqipëria dhe Kosova mbështesin vendimin e partive politike shqiptare në Luginën e Preshevës për të qenë të bashkuar në zgjedhjet serbe, duke e cilësuar atë thelbësore për ngritje  e frymës kombëtare dhe forcimin e të drejtave të shqiptarëve në Luginë. Ministri i Jashtëm në detyrë Gent Cakaj dhe homologu i tij në Kosovë, Glauk Konjufca kanë dalë në deklaratë të përbashkët drejtuar klasës politike shqiptare në Luginën e Preshevës duke mbështetur Luginën e Bashkuar.

'Në cilësinë e drejtuesve të politikës së jashtme të Republikës së Kosovës dhe Shqipërisë nënvizojmë edhe njëherë rëndësinë e mbështetjes së koalicionit të partive politike shqiptare në Luginën e Preshevës. Ky koalicion është thelbësor për ngritjen e frymës kombëtare dhe ruajtjen e të drejtave politike të shqiptarëve në Luginë. Ndaj, ne nuk do të kursejmë asnjë përpjekje për ta mbështetur projektin e Luginës së Bashkuar deri në fund', thuhet në deklaratën e përbashkët  të Cakaj dhe Konjufca, në Konferencën e Nivelit të Lartë për Perspektivën Evropiane, të zhvilluar në Selanik.

TAG:
• Gent Cakaj
• lugina e presheves
• Glauk Konjufca