Çështja 'Kokaina'/ Rishfaqet në skenë Leko Durda! Ministria e Drejtësisë i përgjigjet letërporosisë së Holandës! U filmua duke transportuar çanta me para

Leko Durda

Emri i Leko Durdës ose siç njihet ndryshe dhe si Frederik Durda nga çështja "Kokaina" është kthyer sërish në vëmendjen e shtetit holandez. Report Tv ka zbardhur letërporosinë e autoriteteve holandeze të cilat, të dërguar më 24 shtator 2019, kërkonin informacione mbi Durdën nëpërmjet 5 pyetjeve. Shteti shqiptar i ka hapur rrugë kërkesës për ndihmë holandezëve.

Në letërporosinë e Holandës, shkruhej se Durda është përfshirë në një tjetër rrjet të trafikut të drogës. Sipas autoriteteve ekzistojnë pamje filmike të cilat inkriminojnë Leko Durdën i njohur ndryshe si edhe Frederik Durda. Në këtë çast Durda është shpallur në kërkim ndërkombëtar. Sipas autoriteteve holandeze, ai luan rol në një hetim me një grup kolumbian/shqiptar. Supozohet se ky grup merret me trafik kokaine me prejardhje nga Amerika Jugore në Europë. Më 12 shtator 2020 ekipi hetimor ka ndaluar disa persona të përfshirë dhe ka sekuestruar 12 mln euro. Në vëzhgime të ndryshme është vërejtur Durda teksa takon kolumbianin i cili ishte dhe kreu i grupit.

Po ashtu në pamjet filmike shihet se Durda ndihmonte të pandehurin kryesor (kolumbianin) gjatë zhvendosjes së valixheve të mëdha në të cilat janë gjetur shuma të mëdha parash cash. Duhet shtuar se në një tjetër banesë janë sekuestruar para, besohet se Durda ka qëndruar aty për një kohë të gjatë. Ekipi hetimor është interesuar për rolin që ai brenda këtij grupi kriminal si dhe për vendqëndrimin e tij aktual.

Çfarë kërkonin autoritetet holandeze?

1) A ka bërë Leko Durda (Ditëlindja 26.04.1958) ndryshime të ligjshme mbiemri dhe emri.

2) A është përfshirë Durda në veprimtari kriminale? Nëse po në çfarë lloj veprimtarish.

3) A ka qenë Durda deri tani i dënuar në Shqipëri

4) A ka njohuri tek autoritetet shqiptare lidhur me pyetjen se a ka Durda lidhje të ligjshme apo të paligjshme me Spanjën , Ekuadorin ose Kolumbinë, dhe nëse po në çfarë cilësie?

5) A ekzistojnë informacione të njohura tek autoritetet shqiptare sipas të cilave Durda zhvillon biznese të ligjshme ose të paligjshme me kriminelë në Spanjë?

Po kush është Leko Durda, ose siç njihet ndryshe Frederik Durda i dënuar me 16 vite burg? Leko Durda u arratis nga Shqipëria gjatë periudhës së komunizmit, për t'u rikthyer më pas "me një qëllim". Duke shfrytëzuar lidhjet përtej oqeanit, Durda është i pari shqiptar që ka tentuar të transportojë drogë me nëndetëse duke përdorur si bazë Porto Palermon. Një gjë e tillë ishte parë më herët në Kolumbi, ku dhe ishin kapur disa nëndetëse, por Durda e solli edhe në Shqipëri dhe tentoi të vinte në zbatim këtë plan. Madje dy kolumbianë erdhën në Shqipëri ku dhe vëzhguan terrenin rreth viteve 1999-2000. Në vitin 2001 Durda u arrestua, por bëri vetëm 10 vite burg pasi në 2010 fitoi lirinë. I përfshirë ishte edhe ish- kreu i policisë gjyqësore në Vlorë, Sokol Koçiu, i cili akuzohej se kishte krijuar lehtësira për këtë kartel droge.

Kërkesa e autoriteteve holandeze

E.M./r.k./Shqiptarja.com
  • Sondazhi i ditës:

    Platforma 'Deputeti që duam' dhe votim nga anëtarësia, a e mbështesni mënyrën si partitë po zgjedhin kandidatët e 25 prillit?

Komento

Komente

  • Turi: 25/09/2020 20:30

    Hollanda te shohi njerzit e vet qe i ka shtrire deri ne marok na kane car arin

    Përgjigju
    • likja nga skrapari: 26/09/2020 03:46

      O merzite ti o Turi guri...PO mos u merzite o guri..se per nje palaco burr po flet hollanda...nje kriminel qe helmon boten me kokaine



×

Lajmi i fundit

John

Denoncimet e PD-së për inceneratorët, Murrizi: Janë ngritje pazari për gjobë